«Men elimizde shahmatty damytýǵa baǵyttalǵan birneshe usynys daıyndadym. Meniń oıymsha osy usynystar elde shahmatty alǵa ozdyryp, qordalanǵan máselelerdi sheshýdiń negizgi joly bola alady. Qazir bizde júıeli memlekettik qoldaý joq. Men elimizde shahmat pen aqparattyq tehnologııalardy tereńdetip oqytatyn mektep-ınternat salý kerek dep esepteımin. Bul másele Almaty qalasynyń ákimimen kezdesýde de talqylandy», dedi shahmatshy.
Onyń aıtýynsha, bundaı mektepte eldiń ár túkpirinen jınalǵan balalar oqı alady.
«Biz eń talantty balalardy iriktep alamyz. Ol jerde 1500-den astam bala oqıdy. Onyń 300-i shahmat pen IT-salany tereńdetip oqytatyn ınternattan bilim alady. Nege IT-salany qostyq degenge kelsek, túrli eksperımentter júrgizilgen. Túrli ǵylymı baıandamalar da bar. Shahmatshynyń oılaý qabileti IT-mamannyń oılaýymen birdeı. Biz 5 synyptan bastap dál osyndaı ǵylymı baǵdarlaý tásilin engizbekshimiz. Sol arqyly salany damytýǵa bolady», dedi Jansaıa Ábidmálik.
Aıta ketsek, Memleket bashysy Qasym-Jomart Toqaev bul usynysty quptady.
