Aımaqtar • 22 Maýsym, 2022

Bıyl Qostanaı oblysynda 500 shaqyrymnan astam avtojol jóndeledi

26 ret kórsetildi

Osy jyly Qostanaı oblysynda 500 shaqyrymnan astam avtojol jóndeledi. Bul týraly Qostanaı oblysynyń ákimi Arhımed Muhambetov aıtty, dep habarlaıdy Egemen.kz.

«Bıyl 500 shaqyrymnan astam avtojol men eldi mekenderdiń 220 kóshesi jóndeledi. Qazir jaqsy jáne qanaǵattanarlyq jaǵdaıdaǵy oblystyq jáne aýdandyq mańyzy bar avtomobıl joldarynyń úlesi 78 paıyzdy qurap otyr. Osy jyldyń qorytyndysy boıynsha atalǵan úlesti 85 paıyzǵa deıin jetkizý josparlanǵan», dedi óńir ákimi Ortalyq kommýnıkasııalar qyzmetindegi baspasóz máslıhatynda.

Ákimniń aıtýynsha, «Qarapaıym zattar ekonomıkasy» baǵdarlamasy júzege asyryla bastaǵan sátten beri óńirde jalpy quny 64,9 mlrd teńgeni quraıtyn 317 joba qoldaýǵa ıe boldy. Olardyń basym bóligi agroónerkásip kesheni ónimderin óńdeýge jáne qaıta óńdeýge baǵyttalǵan jobalar boldy.

«Mashına jasaý, metallýrgııa ónimderi, metall emes ónimder jáne tamaq ónimderi óndirisiniń ulǵaıýy esebinen óńdeý ónerkásibi 13,8 paıyzǵa óskenin kórsetedi. О́ńirdiń erekshelikterin eskere otyryp, taıaý bolashaqta ósim qory retinde 1,8 trln teńgege 52 jobadan turatyn pýl quryldy. Bul jobalar oblys ekonomıkasyn odan ary ındýstrııalandyrýǵa septigin tıgizetin 8 myń jumys ornyn ashýǵa da múmkindik beredi. О́ńirdiń ekonomıkalyq ósim draıveri sanalatyn mashına jasaý salasyna jeke toqtalǵym keledi. Avtomobıl jasaýdyń arqasynda ónerkásiptiń jalpy kólemindegi óńdeý sektorynyń úlesi 55,6 paıyzǵa jetti», dedi Arhımed Muhambetov.

Aıana Toǵanbek

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar