Mundaı úıindilermen kúresý úshin ekologııa mınıstrligi ishki ister mınıstrligimen jáne jergilikti atqarýshy organdarmen birlesip qoqys tastaıtyn úıindilerdi joıý boıynsha úshjaqty is-sharalar josparyn ázirledi.
Jospar aıasynda Qazaqstannyń birqatar óńirinde qaldyqtardy zańsyz shashý oryndaryn anyqtaý boıynsha reıdtik is-sharalar ótti. Mamyr aıynda Atyraý, Qyzylorda, Aqmola, Almaty, Batys jáne Soltústik Qazaqstan, Qostanaı, Qaraǵandy oblystarynda, sondaı-aq Almaty, Nur-Sultan jáne Shymkentte 31 reıd ótti.
Nátıjesinde 150-ge jýyq ruqsat etilmegen qoqys orny anyqtaldy. 14 fakti boıynsha kináliler ákimshilik jaýapkershilikke tartyldy. 153 myń teńge kóleminde aıyppul salyndy.
Ruqsatsyz qoqys úıindilerin anyqtaý jónindegi sharalar jalǵasady.
