О́tken jyly 4 922,8 myń tonna astyq eksporttaldy

Prezıdent janyndaǵy Or­ta­lyq kommýnıkasııalar qyzme­tinde kezekti brıfıng ótti. Basqo­sýǵa «Azyq-túlik korporasııa­sy» UK» AQ basqarýshy dırek­tory-kommersııalyq dırektory Nurbek Daıyrbekov, Korpo­rasııanyń basqarýshy dırek­tory-Astyq resýrstaryn bas­qarý departamentiniń dırektory Sábıt Qashqymbaev, Aýyl sharýashylyǵy mınıstrligi Egin sharýashylyǵy ónimderin óńdeý jáne fıtosanıtarlyq qaýipsizdik departamenti dırektorynyń mindetin atqarýshy Baqyt Ilııasov jáne AShM Agroónerkásiptik keshendegi memlekettik ınspeksııa basqarmasynyń basshysy Arman Abdýllın qatysty. Eń kóp astyq Reseı (990,7 myń tonna), Ázerbaıjan (927,5 myń tonna), О́zbekstan (737,4 myń tonna) jáne Tájikstan (651,7 myń tonna) memleketterine jetkizildi. Osy elder qazaqstandyq astyqtyń dástúrli ımporttaýshylary ekenin atap ótý qajet. Búgingi tań­da mınıstrlik astyq, burshaq já­ne maıly daqyldar eksportyn Oń­tústik-Shyǵys Azııa elderi, Qytaı baǵytynda ulǵaıtý sharalaryn jasaýda. Astyq boıynsha halyqaralyq keńestiń málimetine saı Qytaıǵa jyl saıynǵy astyq ımporty 3 mıllıon­nan 8 mıllıon tonnaǵa deıin jetedi. Bul Qytaıǵa jáne sol eldiń aýmaǵy arqyly OShA memleketterine qazaqstandyq astyqtyń jóneltý kólemin ulǵaıtý, eksporttyq naryqty keńeıtý strategııalyq baǵyt bolyp sanalady. Qolaıly geografııalyq ornalasý men Qytaımen ortaq shekaranyń arqasynda Qazaqstan-Qytaı shekarasynda astyq termınalynyń qurylysy josparlanǵan. Bul Qytaı men OShA memleketterine qazaqstandyq astyqtyń úzdiksiz jetkizilýin qamtamasyz etedi. Qa­zaq­standyq astyq eksportyn ulǵaı­tý maqsatynda KO qyzmet etý sheńberinde fıtosanıtarlyq talaptardy jeńildetýge baǵyttalǵan sharalar júrgizilýde. Keden odaǵy sheńberindegi ıntegrasııa ósimdikter karantıni salasynda Belarýs Respýblıkasy men Reseı Federasııasynyń fıto­sanıtarlyq talaptaryn jeńil­detýge múmkindik bergen. Atap aıtqanda, Keden odaǵy komıs­sııasynyń sheshimimen 2010 jyly 18 maýsymda joǵary jáne tómengi qaýipterge bólingen karantınge jatqyzylǵan ónimderdiń biryńǵaı tizbesi, Keden odaǵynyń keden shekarasynda jáne keden aýmaǵynda karantındik fıtosanıtarlyq baqylaý (qadaǵalaý) júrgizý tár­tibi týraly erejeler bekitilgen. Karantındik fıtosanıtarlyq qaýip tóndirmeıtin ónimder tiz­beden shyǵarylyp, karantındik ónimder tizbesi ońtaılandyrylǵan. Tómen karantındik fıto­sa­nı­tarlyq qaýipke jatatyn karan­tınge jatqyzylǵan ónimderdi fıto­sanıtarlyq sertıfıkatpen shy­ǵarý talaptary alynsa, 2011 jylǵy 15 naýryzdaǵy Eýra­zııalyq ekonomıkalyq qoǵam­dastyqtyń Memleketaralyq keńe­siniń sheshimimen, 2011 jyldyń 1 shildesinen bastap Qazaqstan-Reseı shekarasyndaǵy karantındik fıtosanıtarlyq baqylaý Keden odaǵynyń syrtqy shekarasyna aýystyrylǵan. Sondaı-aq, 2011 jylǵy 19 mamyrda atalǵan keńestiń sheshimine sáıkes Keden odaǵyna múshe memleketter arasynda karantınge jatqyzylǵan ónimderdi alyp júrýge jáne ákelýge ımporttyq karantındik ruqsat alý toqtatylǵan. Atalǵan sharalar ósimdikter karantınine jatqyzylǵan ónim­derdi Keden odaǵyna múshe memleketter arasynda tasymaldaý kezinde, sonymen qatar úshinshi elderden osyndaı ónimderdi ımporttaý kezinde birqatar kedergilerdi joıý máselelerin, sonymen qa­tar karantınge jatqyzylǵan ónim­derdi Keden odaǵyna múshe memleketter arasynda ákelý jáne ta­symaldaýǵa qatysty karantındik fıtosanıtarlyq baqylaý kezinde biregeılikti anyqtaý men retteýdi qamtamasyz etken. Ábdirahman QYDYRBEK, «Egemen Qazaqstan».