Mal ósirýge múmkindik mol

«Qazaqstan-2050» Strate­gııa­synda Elbasymyz aýyl sharýashylyǵyn, ásirese, aýylsharýashylyq ónimine ósip otyrǵan jahandyq sura­nys jaǵdaıynda aýqymdy jańǵyrtýlar qajet dep atap kórs­etti. Sonyń nátıjesinde agro­ónerkásiptik keshenniń ekolo­gııalyq taza óndiris salasyndaǵy jahandyq oıynshy bolýy kerek ekendigi de basa aıtyldy. Biz sekildi shaǵyn sharýa qojalyǵymen aınalysatyn kásipkerlerge 2050 jylǵa qaraı el IJО́-degi aýylsharýashylyq óniminiń úlesin 5 esege arttyrý kerektigin tapsyrdy. Sonymen birge Elbasymyz eksportqa shyǵaratyn mal etiniń mólsherin 60 myń tonnaǵa jetkizý mindetin qoıǵaly birneshe jyldyń júzi boldy. Árıne, bul ózekti mindetti oryndaý úshin eń aldymen jeke sharýa qoja­lyq­tarynyń sanyn arttyrý kerek ekendigi túsinikti. Jeke sharýa qojalyqtary aýdan kóleminde kóptep qurylǵan jaǵdaıda, halyq turmysy jaqsarýmen birge halyqtyń eńbekpen qamtamasyz etiletindigi de aıdan anyq. Bul el bolyp jumylatyn óte mańyzdy sharýa. Biz 15 otbasy QHR-dan Aqmola oblysy Shortandy aýdany Novokýbanka aýylyna kóship kelgenimizge on jylǵa taıady. Bárimiz derlik Qazaqstan Respýblıkasynyń azamattyǵyn aldyq. Qazirgi kúnde qolymyzdaǵy maldyń barlyǵyn jınaqtap kórsetkende 100 basqa tarta sıyr, 300 tuıaqtan astam qoı, bes tuıaq jylqy maly bar. Al osy otbasylarymyzdaǵy 36 adam jazda qalaǵa baryp, jumys istep, óz nápaqalaryn aıyryp júrgen bolatyn. 2013 jyly biz oılasa kele aǵamyz Bekqoja Jylqybekulynyń uıymdastyrýymen sharýa qojalyǵyn qurýdy josparǵa aldyq. Sóıtip jeńgem Álimqojaqyzy Qosyngúl ekeýmizdiń atymyzdan «Aqmola oblysynyń aýyl sharýashylyǵy qarjylaı qoldaý qory» AQ-tyń dırektory Ǵalııa Ospanovanyń tikeleı janashyrlyqpen qoldap-qýattaýynyń arqasynda 6 mıllıon teńge nesıelik qarajat alyp, 28 bas sıyr satyp aldyq. Byltyrǵy qysqa 70 tonna shóp, 80 tonnaǵa jýyq saban, 50 tonnadaı jem ázirledik. Aýylymyzdaǵy 6 azamatty jumyspen qamtamasyz etip otyrmyz. Maldy qolda ustap baǵyp-baptaý, jemshóp, taǵy basqa da máseleler byltyrǵy jyly aýyl ákimi Rahat Mardan men «Novokýbanka» sharýa qojalyǵynyń atqarýshy dırektory Iа.Bels myrzanyń kómegimen jáne aýdandyq ákimdiktiń qoldap-qýattaýymen sheshimin tapqan bolatyn. Biz aldaǵy josparymyzda jaıylymdyq jer máselesi sheshimin taýyp, bizge jaıylymdyq jer men shabyndyq jer beriletin bolsa, qolda bar malymyzdy otarlatyp baǵyp, aýylymyzda mal sanyn kóbeıip, aýyl mańynda jaıylym jetispeý máselesin sheshýdi oılastyryp otyrmyz. Aýdan ákiminiń orynbasary Erlan Qyzdarbekuly myrza men sharýashylyq bóliminiń meńgerýshisi Talǵat Edigenov aǵamyz bul máseleniń ońtaıly sheshim tabýyna qol ushyn bergeli otyrǵandyǵy bizdi qýantyp otyr. Biz sol arqyly bolashaqta «Sybaǵa» baǵdarlamasy syndy iri baǵdarlama esebinen irgeli sharýa qojalyqtardyń birine aınalýdy josparlap otyrmyz. Jumys óz yrǵaǵymen birtin­dep júzege asyp kele jatqan dál osyndaı mamyrajaı kezeńde bári de ózimizdiń qulshyna eńbek etýimizge baılanysty ekendigi aıdan anyq. Qazir yntasy bar adamǵa jumys jetkilikti. Shekteý qoıyp otyrǵan eshkim joq. Qaıta bizdi barlyq ákimshilik organdar men qarjylyq bólimsheler qoldap-qýattap otyr. Sáýletti Astanamyz irgemizde turǵanda, Elbasymyzdyń tıimdi saıasaty qoldap-qýattap otyrǵanda mal sharýashylyǵyn erkin damytýǵa bolady dep esepteımin. Sultanııa JYLQYBEKULY. Aqmola oblysy.