Elorda • 24 Maýsym, 2022

Elordada masalardy joıýdyń úshinshi kezeńi bastaldy

16 ret kórsetildi

Elordada masalarǵa qarsy dezınseksııalyq jumystyń úshinshi kezeńi bastaldy, dep habarlaıdy Egemen.kz.

Nur-Sultan qalasy ákimdiginiń málimetinshe, maýsym bastalǵannan beri qorshaǵan ortany qorǵaý jáne tabıǵatty paıdalaný basqarmasy «Astanalyq dezınfeksııa» JShS-men birlesip aýmaqty óńdeý boıynsha 2 týr ótkizdi. Masalar men shirkeılerdiń jappaı kóbeıýin boldyrmaý maqsatynda qalanyń barlyq aýdanyndaǵy júzden astam taıaz sý qoımalary men batpaqty jerler óńdeldi.

«Úshinshi týr aıasynda ashyq stasııalardy (kvartalishilik aýmaq, kósheler, saıabaqtar, gúlzarlar, eldi mekender jáne t.b.) óńdeý bastaldy. Masalar ekojúıeniń bir bóligi bolǵandyqtan, olardy tolyq joıýǵa bolmaıdy biraq bul sharalar olardyń sanyn 90%-ǵa deıin joıýǵa jáne azaıtýǵa múmkindik beredi», dep jazdy vedomstvodan.

Bul dezınseksııalyq is-sharalar jándikterdiń sanyn azaıtýǵa baǵyttalǵan. Jumystar túngi ýaqytta – saǵat 21.00-den 04.00-ge deıin júrgiziledi jáne ár týr aıyna 20 kúnge sozylady. Barlyq óńdeý 6 týrǵa jalǵasady.

«Elorda turǵyndary men qonaqtarynyń jaıly demalýy úshin adam kóp jınalatyn oryndarǵa – saıabaqtarǵa, jaǵalaýlarǵa, gúlzarlarǵa jáne t.b. erekshe kóńil bólinedi. Bul jumysqa 150 dezınfektor, bıolog-entomologtar, 120 birlik motorly-ransty búrikkish, termogeneratorlar, dezınfeksııalyq mashınalar, dezınfeksııalyq qondyrǵysy bar motoshassı jumyldyryldy», dep tolyqtyrdy ákimdikten.

Dezınseksııalyq is-sharalar kezinde saqtyq sharalaryn saqtaý mańyzdy. Ásirese, óńdeletin oryndarǵa barmaı, óńdeý kezinde terezelerdi jabý kerek.

«Dezınseksııalyq jumystar úshin quramynda hlorpırıfos jáne malatıon áser etýshi zaty bar, adamdar men janýarlar úshin qaýiptiligi az ınsektısıdter qoldanylady. Bul preparattar Qazaqstan Respýblıkasynyń aýmaǵynda qoldanýǵa ruqsat berilgen tizilimge engizilgen», delingen habarlamada.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar