Qazaqstan • 24 Maýsym, 2022

Alibaba jelisinde Qazaqstannyń ulttyq platformasy ashyldy

39 ret kórsetildi

Alibaba.com saýda platformasynda Qazaqstannyń ulttyq pavılony ashyldy, dep habarlaıdy Egemen.kz.

B2B formatyndaǵy platformasynda ashylǵan ulttyq pavılon qazaqstandyq óndirýshilerge óz ónimin ınternet arqyly kedergisiz satyp, jarnamalaýǵa múmkindik beredi.

Pavılonnyń ashylýyna oraı Zoom-konferensııa formatynda ótken jıynǵa QR Saýda jáne ıntegrasııa vıse-mınıstri Qaırat Tórebaev, QazTrade AQ Bas dırektory Azamat Asqaruly, Alibaba.com vıse-prezıdenti Endrıý Jeng qatysty.

Vıse-mınıstr Qaırat Tórebaev qazirgi ýaqytta elektrondyq kommersııa qarqyndy damyp kele jatqanyn, Qazaqstannyń álemdik trendpen birge tynystaýǵa daıyn ekenin atap ótti. Onyń aıtýynsha, Alibaba kompanııasymen aradaǵy yntymaqtastyqtyń arqasynda qazaqstandyq kompanııalar óz ónimderin syrtqy naryqtarǵa jyljytý múmkidigin keńeıte alady.

«Alibaba» alańynda ulttyq pavılonnyń ashylýy sheteldik satyp alýshylar tarapynan Qazaqstan ónimderine joǵary suranys bar ekenin rastady», dedi vıse-mınıstr.

Al «QazTrade» AQ bas dırektory Azamat Asqaruly otandyq kompanııalardyń ónimin marketpleıster arqyly tanytý tıimdi ekenin atap ótti.

Qazir Alibaba.com bazasyndaǵy Qazaqstannyń ulttyq pavılonynda 130 qazaqstandyq kompanııa «altyn» mártebeli jetkizýshi retinde tirkelgen. Olar 7500-den astam taýardy ǵalamdyq platforma arqyly satyp otyr.

Sońǵy jańalyqtar

Uqsas jańalyqtar