Aımaqtar • 24 Maýsym, 2022

Almaty ákimdiginiń qurylymy ózgerdi

62 ret kórsetildi

Almaty máslıhaty qala ákimdiginiń jańa qurylymyn bekitti, dep habarlaıdy Egemen.kz qala ákimdiginiń baspasóz qyzmetine silteme jasap.

«Almaty qalasy ákimdigi máslıhatynyń qalany basqarý syzbasyn bekitý týraly sheshimi jáne ákimdiktiń qala ákimdiginiń qurylymdyq bólimshelerin qaıta uıymdastyrý jáne qaıta ataý týraly qaýlysy negizinde Almaty qalasy ákimdiginiń qurylymyna ózgerister engizildi», delingen habarlamada.

О́zgeristerge sáıkes:

  • áleýmettik ál-aýqat basqarmasy odan eńbek ınspeksııasy basqarmasyn bólý arqyly qaıta quryldy;
  • strategııa jáne bıýdjet basqarmasy qarjy basqarmasy men ekonomıka basqarmasyna bóliný arqyly qaıta quryldy;
  • kreatıvti ındýstrııalar basqarmasy jastarmen jumys jónindegi fýnksııalardy keńeıte otyryp, jastar saıasaty basqarmasy bolyp qaıta quryldy;
  • energııa tıimdiligi jáne ınfraqurylymdyq damý basqarmasy energetıka jáne sýmen jabdyqtaý basqarmasy bolyp qaıta ataldy;
  • turǵyn úı saıasaty basqarmasy kommýnaldyq ınfraqurylymdy damytý basqarmasy bolyp ózgertildi;
  • jasyl ekonomıka basqarmasy ekologııa jáne qorshaǵan orta basqarmasy bolyp qaıta ataldy;
  • jaıly qalalyq orta basqarmasy - qurylys basqarmasy bolyp ózgertildi;
  • qoǵamdyq densaýlyq basqarmasy - qoǵamdyq densaýlyq saqtaý basqarmasy bolyp qaıta ataldy.

 

 

Sońǵy jańalyqtar

Uqsas jańalyqtar