Bilim • 24 Maýsym, 2022

«IQanat» qory aýyl oqýshylarynyń sapaly bilim alýǵa qoljetimdiligin arttyrady

19 ret kórsetildi

Elordada IQanat respýblıkalyq oqýshylar sleti ótip, oǵan elimizdiń barlyq oblysyndaǵy 164 aýdan aýyldarynan 750 oqýshy qatysty, dep habarlaıdy Egemen.kz.

Tıisti maýsym olımpıada jeńimpazdaryn marapattaý rásimimen jarqyn aıaqtalyp, sondaı-aq qazaqstandyq estrada juldyzdarynyń qatysýymen naǵyz merekege aınaldy.

Slettiń sońǵy kúni mazmundy ári óte qyzyqty boldy. Balalar bilim salasyndaǵy alǵash «Oskar» saltanatyna - IQanat respýblıkalyq sletine qatysýshylardy marapattaý rásimine qatysty.

Balalardy osyndaı aýqymdy sharanyń aıaqtalýymen quttyqtaýǵa Qazaqstan Respýblıkasy Premer-Mınıstriniń orynbasary Eraly Toǵjanov, «IQANAT bilim berý qory» QQ Qamqorshylyq keńesiniń tóraǵasy Aıdyn Rahymbaev, Qordyń qamqorshylary men joba tálimgerleri keldi.

«IQANAT bilim berý qory» QQ atqarýshy dırektory Kamıla Basharova sletke barlyq qatysýshy «júzden júırik, myńnan tulpar» ekenin, sondyqtan ózderimen jasty 36 myń qatarlastarynan alǵa sýyrylyp shyǵyp, búgin osynda otyrǵandaryn atap ótti.s

«Munda jeńilis tapqandar joq, sizderdiń árqaısylaryńyz – kóptegen kedergilerdi jeńip, osy jerde bas qosyp otyrsyzdar. Barlyǵyńyzdy slettiń sátti aıaqtalýymen quttyqtap, júregińizde bilim men jańalyqtarǵa degen qushtarlyq pen súıispenshilikti, bárin jasaı alatyndyǵyńyzǵa senimdi bolýǵa kómektestik dep úmittenemin! Tipti 100 bala ǵana mektebimizge grant alǵanymen, qalǵan 650-i bizdiń olımpıadalyq bilim berý baǵdarlamalarymen qamtylady jáne 11-synypqa deıin UBT-ny tabysty tapsyrýǵa jetkizetin bolamyz», dep atap ótti Kamıla Basharova.

Atalǵan keshte IQanat High School of Burabay mektebinde oqýǵa shaqyrý alǵan 100 Olımpıada jeńimpazynyń esimi belgili boldy.

«О́te qýanyshtymyn jáne áli kúnge deıin IQanat grantyn alǵanyma senbeı júrmin. Men úshin bul keremet múmkindik jáne ony mindetti túrde qoldanamyn. Bolashaqta qandaı mamandyq tańdasam da, Qazaqstan tarıhynda óz izimdi qaldyrýdy armandaımyn. Osy 5 kún ishinde biz erekshe shabyt pen bilim alǵanymyz sonshalyq, endi osynyń barlyǵyn durys arnaǵa baǵyttaý kerek», deıdi Qaraǵandy oblysy Abaı aýdany Topal aýylynan kelgen Arman Aıtqalıev.

«Júz jeńimpaz qataryna kire almaǵanyma qaramastan, óte qýanyshtymyn. О́ıtkeni elimizdiń astanasynda osyndaı úlken merekege qatysý múmkindigin ıelendim. Oqý-aǵartý mınıstri Ashat Qanatuly Aımaǵambetovpen yntalandyratyn kezdesýde ol bizdiń, ıaǵnı qazirgi balalar úshin kóptegen múmkindikter bar ekenin aıtty. Sondyqtan men óz armanymdy oryndaý úshin barlyq múmkindikti paıdalanatyn bolamyn», deıdi Soltústik qazaqstan oblysy Aıyrtaý aýdany Saýmalkól aýylynan kelgen Dılnaz Jaqypova.

Esterińizge sala keteıik, IQanat respýblıkalyq oqýshylar sleti Nur-Sultan qalasynda 21-24 maýsym aralyǵynda ótti. Respýblıkalyq olımpıada 1-kezeńde elimizdiń barlyq 164 aýdanynan segizinshi synyptyń 36 myń aýyldyq oqýshysyn qamtysa, 2-kezeńde 7 myńnan astam oqýshy baq synap, aqtyq synǵa 750 bala jetti. Shara sheńberinde 750 bala irikteýdiń aqtyq kezeńderinde shyńdalyp, trenıngterge, saıahattarǵa, jetistikterge jigerlendiretin kezdesýlerge qatysty. Al sońǵy kúni Balalar jylyna arnalǵan flesh-mob uıymdastyryp, onda elimizdiń oqýshylary bilim alýǵa jáne ózin-ózi damytýǵa shaqyryldy.

«IQanat» olımpıadasy jáne Qordyń basqa baǵdarlamalary aýyldan kelgen myńdaǵan balalarǵa eń joǵary tehnologııaly mektepterdiń biri - IQanat High School of Burabay mektebine oqýǵa túsýge jáne barlyq aqtyq synǵa jetýshilerdi olımpıadadan keıingi bilim berý baǵdarlamalarymen súıemeldeýge, joǵary bilikti pedagogtarmen pikirlesýdiń baǵa jetpes tájirıbesin alýǵa, kókjıekti keńeıtip, jalpy ómir súrý deńgeıin arttyrýǵa jáne sonyń nátıjesi retinde álemniń úzdik joǵary oqý oryndaryna túsýge múmkindik beredi.

Aıta keteıik, «Iqanat» jobasyn iske asyrý jáne aýyl oqýshylarynyń osyndaı joǵary nátıjege qol jetkizýi olarǵa kómek kórsetý nıetimen birikken izgi jandar – Qordyń Qamqorshylarynyń qoldaýy arqasynda múmkin bolyp otyr. Qordyń ótken jyldardaǵy bilim berý baǵdarlamalarynyń túlekteri - aýyl mektepteriniń oqýshylary Nazarbayev University, University of Purdue, Polytechnic University of Hong Kong, University of Chicago jáne taǵy basqa ozyq joǵary oqý oryndaryna tústi.

Sońǵy jańalyqtar

Uqsas jańalyqtar