Aımaqtar • 26 Maýsym, 2022

О́skemen turǵynynan aqsha bopsalaǵan er adam ustaldy

22 ret kórsetildi

О́skemen qalasynyń turǵynynan eki jylda 50 mıllıon teńge bopsalaǵan er adam ustaldy dep habarlaıdy Egemen.kz.

ShQO Polısııa departamenti baspasóz qyzmetiniń málimetinshe, tártip saqshylaryna 2020 jyldyń mamyr aıynan bastap 2022 jyldyń sáýirine deıin 54 jastaǵy azamattan aqsha bopsalap kelgen er adam jaıly aqparat tústi. Kóp uzamaı qalanyń 49 jastaǵy turǵyny kúdikti retinde ustaldy.

«Belgili bolǵandaı, ol óziniń fızıkalyq kúshin paıdalanyp, jábirlenýshiden aqsha talap etken. Alǵash ret odan 150 myń teńge alǵan. Sodan keıin qunyǵa túsip, somany kóbeıte bastaǵan. Bas tartqan jaǵdaıda uryp-soǵamyn dep qorqytqan. Jábirlenýshi óz atyna nesıe alýǵa, tipti anasynyń páterin satýdan túsken qarajattyń bir bóligin berýge májbúr boldy. Alaıda bopsalaýshy zańsyz áreketin sonda da toqtatpaǵan. Kúdikti óziniń qurbanynan taǵy da 2 mln teńge almaqshy bolǵan jerinen ustaldy», delingen aqparatta.

Jalpy alǵanda 2 jyl ishinde onyń qylmystyq áreketinen keltirilgen materıaldyq zalal 50 mıllıon teńgeni qurady.

Qazirgi ýaqytta kúdiktige qatysty QR Qylmystyq kodeksiniń 194-baby 4-bóligi boıynsha sotqa deıingi tergeý amaldary júrgizilýde.

Aıana Toǵanbek

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar