Sport • 26 Maýsym, 2022

Shavqat jeńiske jetti

26 ret kórsetildi

Keshe AQSh-tyń Las-Vegas qalasynda aralas jekpe-jekten UFC pro­mo­ý­sheniniń kezek­ti týrnıri ótti. Atal­ǵan jarystyń basty báse­keleriniń birinde kúni búginge deıin jeńilistiń kermek dámin tatpaǵan qazaqtyń qaısar uly Shavqat Rahmonov jartylaı orta salmaqtaǵy úzdikter tiziminde toǵyzynshy orynda turǵan AQSh-tyń beldi sportshysy Nıl Megnımen aıqasty.

Búgingi tańda bizdiń ǵana emes, barsha sheteldik BAQ ókilderi jarysa maqtap jatqan Shavqat Rahmonov bul joly da qazaq jankúıerlerin qýanysh pen shattyqqa bóledi. Barlyǵy 34 báseke ótkizip, 26 márte jeńiske jetken 35 jastaǵy Nıl Megnı qanda­symyzǵa laıyqty qarsylyq kórsete almady. Báseke bastalǵan bette tizgindi qolyna alǵan Shavqat oǵan bir­neshe aýyr soqqysyn darytty. Nıl úziliske deıin shydady. Ekinshi raýnd­ta da dál sol jaǵdaı qaıtalandy. Desek te bul joly qazaq sportshysy básekeni uzaqqa sozba­dy. Úziliske úsh sekýnd qalǵanda Rahmonov Megnıdi qylqyndyryp tastady. Osy­laısha, Shavqat óziniń 16-shy jeńisine qol jetkizdi.

Sol jarysta jeńil salmaqtaǵy Sergeı Morozov ta (17-5) oktagonǵa shyqty. Bıyl jazda 33 jasqa tol­ǵaly otyrǵan ol UFC-degi úsh báse­keniń ekeýinde qarsylastaryna jol berdi. Endi jerlesimizdiń jeńi­­lýge qaqy joq edi. Osy joly Mo­rozov Raýlıan Paı­vamen (21-4) kúsh synasty. 26 jastaǵy Brazılııa óki­liniń osydan eki jyl buryn biz­diń Jalǵas Juma­ǵulovty upaı sany­men utqany esimizde. О́ziniń komandalyq áriptesi jibergen eseni Ser­geı qaıtardy. Alǵashqy raýndta brazılııalyqtyń basymdyǵy baı­qalǵanymen, odan keıin Morozov tizgindi qolǵa alyp, upaı sanymen je­ńiske jetti.

Sonymen qatar Las-Vegasta jartylaı jeńil salmaqtaǵy Saıran Nur­danbek te (37-10) saıysqa shyqty. Qy­taıda týyp-ósken qandasymyz ame­rıkalyq Tı Djeı Braýnmen (16-8) kúsh synasty. О́te tartys­ty ótken jekpe-jek Saırannyń paıdasyna sheshildi.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar