Ekonomıka • 29 Maýsym, 2022

Genderlik bıýdjet qurý – ózekti mindet

24 ret kórsetildi

Nur-Sultan qalasynda «Genderlik baǵdarlanǵan bıýdjetteý jáne Qazaqstandaǵy ulttyq strategııalyq jáne bıýdjettik josparlaý júıesine engizý quraldary» atty eki kúndik trenıng ótti. Trenıngke mınıstrlikter men vedomstvolardyń ókilderi, oblystyq qoǵamdyq keńesterdiń ókilderi, úkimettik emes uıymdar men sarapshylar qatysty.

Trenıngti Qazaqstandaǵy «BUU-áıel­der» qurylymy men Ulttyq ekonomıka mınıstrligi birlesip uıymdastyrdy. Ashy­lý rásiminde Qazaqstandaǵy «BUU-áıel­der» qurylymnyń ókili Marııa Dosenko sóz sóıledi.

«Genderlik baǵdarlanǵan bıýdjetteý – bıýdjet prosesin josparlaý boıynsha genderlik teńdikke qol jetkizýdiń biregeı quraly bolyp sanalady. 2018 jyly Ulttyq ekonomıka mınıstrligi «BUU-áıelder» qurylymynyń qoldaýymen 2020-2025 jyldary Qazaqstanda genderlik baǵdarlanǵan bıýdjetteýdi engizý boıynsha ulttyq jospardy qabyldady. Atalǵan qujatta bıýdjetti genderlik faktorlardy eskere otyryp memlekettik josparlaý turǵysynan jetildirý boıynsha sharalar tizimi kórsetilgen. Qazir biz atalǵan jospardy jetildirý boıynsha Qazaqstan Úkimetine qoldaý bildirip otyrmyz», deıdi M.Dosenko.

Qatysýshylar da mundaı baǵyttaǵy is-sharanyń elimizde qolǵa alynǵanyna rızashylyq bildirip, óz pikirlerin jetkizdi.

«Trenıng aqparattyq, tanymdyq turǵyda biz úshin óte paıdaly boldy. Bizde buryn genderlik baǵdarlanǵan bıýdjetteýge baılanysty semınar, trenıngter ótkizilgen emes. Bul biz úshin jańa tájirıbe bolyp jatyr. Qyzmetimiz barysynda áleýmettik problemasy jetip artylatyn qanshama kópbalaly áıeldi kóremiz. Árıne, áleýmettik problemanyń polısııaǵa qatysy joq. Dese de halyq kez kelgen túıtkildi polısııaǵa aıtyp, sheshimin tapqysy keledi. Búgingi is-sharadan ózimiz úshin kóp paıdaly nárseni kórdik, túıdik, endi sony jumys barysynda qoldanamyz», deıdi Nur-Sultan qalalyq polısııa departamentiniń áıelderdi zorlyq-zombylyqtan qorǵaý tobynyń aǵa ınspektory Gúlmıra Shrahmetova.

Genderlik bıýdjetteý degenimiz ne ózi? Qysqa-nusqa anyqtama berip óter bolsaq, bul – qoǵamdaǵy ár azamattyń qajettiligin eskerý jáne qarjyny utymdy paıdalaný. Bıýdjetti qalyptastyrý kezeńinde er men áıel azamattarynyń muqtajdyǵy men qyzyǵýshylyǵy birdeı esepke alynýy kerek. Genderlik bıýdjet úsh maqsatty kózdeıdi: qarjylyq-josparlyq esep berý men onyń móldirligi, genderlik máselerge áıelderdi kóbirek qatystyrý, mysaly, bıýdjetti qabyldaý máselesine áıelderdiń erkektermen birge teń qatysýy jáne genderlik teńdikpen áıelder quqyn damytý.

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar