Qazaqstan • 29 Maýsym, 2022

Elordada Rýmynııa Prezıdentiniń kitaby tanystyryldy

49 ret kórsetildi

Qazaqstan men Rýmynııa arasyndaǵy dıplomatııalyq qarym-qatynastyń 30 jyldyǵyna oraı elordadaǵy Ulttyq akademııalyq kitaphananyń Konstıtýsııa zalynda Rýmynııa Prezıdenti Klaýs Iohannıstiń «Birtindep basyp bıikke» atty kitabynyń  tusaýkeseri ótti, dep habarlaıdy Egemen.kz.

Qazaqstan óz táýelsizdigin jarııalaǵan tusta, Eýropada eń alǵashqy bolyp tanyǵan memlekettiń biri de osy Rýmynııa edi.

Osynyń nátıjesinde 1992 jyldyń 15 shildesi kúni Qazaqstan Rýmynııa memleketimen ózara dıplomatııalyq qarym-qatynas ornatqan bolatyn. Keıin 1993 jyly Rýmynııa Respýblıkasynyń Qazaqstandaǵy Elshiligi ashylsa, 2003 jyldyń qyrkúıek aıynda Qazaqstan Respýblıkasynyń Rýmynııadaǵy Dıplomatııalyq mıssııasy ashylyp, eki eldiń ózara áriptestik qarym-qatynasyna serpin berildi.

2012 jyly Qazaqstan Respýblıkasy Prezıdentiniń Jarlyǵy boıynsha Rýmynııadaǵy Qazaqstannyń Dıplomatııalyq mıssııasy Rýmynııadaǵy Qazaqstan Respýblıkasynyń Elshiligi bolyp qaıta quryldy.

f

Qazaqstan men Rýmynııa arasyndaǵy dıplomatııalyq qarym-qatynastyń ornaǵanyna 30 jyl tolýyna oraı Rýmynııa Prezıdenti Klaýs Iohannıstiń «Birtindep basyp bıikke» atty kitabynyń qazaq tilindegi nusqasynyń tusaýkeseri ótse, Rýmynııa astanasy Býharest qalasynda Qazaqstan Respýblıkasynyń Prezıdenti Qasym-Jomart Toqaevtyń «Áke týraly oı-tolǵaý» kitabynyń rýmyn tilindegi basylymynyń tusaýkeseri ótti. 

Eki eldiń arasyndaǵy dıplomatııalyq qarym-qatynastyń otyz jyldyǵyna oraılastyryp jasalǵan bul rýhanı ıgi is-sharanyń avtory – Qazaqstannyń Rýmynııadaǵy Tótenshe jáne О́kiletti elshisi Nurbah Turaruly Rústemov. 

ı

Rýmynııanyń qazirgi Prezıdenti Klaýs Iohannıs – eki birdeı merzimge saılanyp, 2014 jyldyń 21 jeltoqsanynan beri el tizginin nyq ustap kele jatqan basshy. Ol postkommýnıstik Rýmynııanyń keıingi tarıhyndaǵy ǵana emes, jalpy Eýropa odaǵyndaǵy bedeldi de, kórnekti saıasatkerlerdiń biri retinde ózin tanyta bilgen tulǵa.  

«Birtindep basyp bıikke» – Rýmynııa Prezıdentiniń birer jyl buryn jaryq kórgen kitaby. Kitapta avtor óziniń jeke tulǵa jáne saıası qaıratker retindegi ósý, birtindep qalyptasý jolyn Rýmynııadaǵy jáne osy eldeni shaǵyn qala Sıbıýdegi ómirimen qatar óre otyryp, qarapaıym tilmen baıandaıdy.

ı

Sondaı-aq bul kitaptyń tusýkeser rásimine kóptegen qurmetti qonaqtar, atap aıtqanda, QR Syrtqy ister mınıstriniń orynbasary Vasılenko Roman Iýrevıch, QR Energetıka jáne tabıǵı resýrstar vıse-mınıstri Súleımenova Zúlfııa Bolatqyzy, Qr Parlament Senatynyń depýtaty Júsip Nurtóre Baıtilesuly, Rýmynııanyń Qazaqstan Respýblıkasyndaǵy Tótenshe jáne О́kiletti elshisi Medelına Lýpý jáne Rýmynııanyń QR Elshiligindegi ekonomıkalyq keńesshisi Nıkolae Pavalýka, Rýmynııanyń QR Elshiligindegi konsýly Sherban Jýrebıe, sondaı-aq zııaly qaýym, buqaralyq aqparat quraldarynyń ókilderi qatysty.

ı

Qazaqstan Respýblıkasynyń burynǵy Syrtqy ister mınıstri, QR-nyń Rýmynııadaǵy burynǵy Elshisi Tóleýtaı Ysqauly Súleımenov pen Qazaqstannyń Rýmynııadaǵy Tótenshe jáne О́kiletti elshisi Nurbah Turaruly Rústemov ZÝM júıesi arqyly baılanys jasap, is-sharaǵa qatysyp otyrdy.

Tusaýkeser rásiminiń tizginin QR Jazýshylar odaǵynyń basqarma tóraǵasy, QR Memlekettik syılyǵynyń laýreaty, Qazaqstannyń eńbek sińirgen qaıratkeri Ulyqbek Esdáýlet ustady. Jazýshylar odaǵynyń tóraǵasy Rýmynııa men Qazaqstan arasyndaǵy ózara áriptestik qarym-qatynastardyń, sonyń ishinde ádebı-rýhanı baılanystardyń barysyna toqtalyp ótti. 

ı

Alǵashqy bolyp sóz alǵan QR Syrtqy ister mınıstri bolǵan jáne QR-nyń Rýmynııadaǵy Elshisi qyzmetin atqanǵan T.Y.Súleımenov myrza Qazaqstan men Rýmynııa arasyndaǵy dıplomatııalyq qarym-qatynas ornaǵan kezeńniń bastamasy týraly estelikterimen bólisip, is-sharanyń barysyna sáttilik tiledi. 

QR Syrtqy ister mınıstriniń orynbasary R.Iý.Vasılenko óz sózinde Rýmynııa men Qazaqstan arasynda qysqa merzim ishinde ekijaqty qarym-qatynastardyń bıik deńgeıine jetkendigine, Ońtústik-shyǵys Eýropadaǵy Qazaqstannyń ekonomıkalyq áriptesi retindegi mańyzyna toqtaldy. 

«Saýda aınalymy boıynsha Qazaqstannyń álem elderi arasyndaǵy on úshinshi oryndaǵy Rýmynııanyń tranzıttik memleket retindegi múmkindigi zor. Kitap – ult pen ulttyń arasyndaǵy tanystyrýshylyq, aǵartýshylyq maqsatty júzege asyrýdaǵy eń taptyrmas qural», deı kele Rýmynııadaǵy Elshiliktiń ıgi isine alǵysyn aıtty.

ı

Qazaqstannyń Rýmynııadaǵy Tótenshe jáne О́kiletti elshisi Nurbah Turaruly Rústemov búgingi is-sharaǵa qatysyp otyrǵan qurmetti qonaqtarǵa, barsha jurtshylyqqa, kitaptyń jaryq kórýine atsalysqan mekemelerge alǵys-rızashylyǵyn bildirdi.

Sonymen qatar Rýmynııa Prezıdenti Klaýs Iohannıstiń memleket basshysy retindegi saıası tulǵasy, búgingi eki el arasyndaǵy baılanystardyń laıyqty damyp jatqandyǵy týraly baıandap ótti.

«Biz Rýmynııa men Qazaqstan arasyndaǵy mádenı, ekonomıkalyq baılanystardyń odan ári damı beretinine senimdimiz. Kóliktik-tranzıttik baılanystardyń áleýeti zor. Eki eldiń arasyndaǵy dıplomatııalyq baılanystardyń otyz jyldyǵyna oraı memleket basshylarynyń kitaptaryn aýdaryp, qalyń oqymanǵa usyný josparymyz júzege asqanyna qýanyshtymyz. Qazaqstan Prezıdenti Qasym-Jomart Kemeluly Toqaevtyń «Áke týraly oı-tolǵaý» kitaby rýmyn oqyrmandarynyń qyzyǵýshylyǵyn týdyraryna kúmánimiz joq. Prezıdentimizdiń qoıyp otyrǵan ustanym, talaptaryna saı aldaǵy kezeńde qazaq-rýmyn qarym-qatynastaryn nyǵaıta túsýge barynsha kúsh salatyn bolamyz. Qazaqstan-Rýmynııa qarym-qatynastary damı bersin!», degen tilegin jetkizdi Rýmynııa Prezıdenti.

f

ı

Osylaısha, Rýmynııa men Qazaqstan arasyndaǵy dıplomatııalyq qarym-qatynastyń ornaǵanyna otyz jyl tolýyna oraı uıymdastyrylǵan is-sharanyń birinshi bóligi elordada oıdaǵydaı ótti. Rýmynııa Prezıdenti Klaýs Iohannıstiń «Birtindep basyp bıikke» atty kitabynyń tusaýy kesilip, oqyrmandarǵa jol tartty.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar