Jalǵan aqsha jarǵa jyqty

Kim dámdi tamaq iship, táýir kıingisi, jaqsy júrip-turǵysy kel­meıdi deısiz. Biraq ol úshin kóp  aqsha kerek.  Osyn­daıda, amal ne, sol mol aqshany qoldan jasap alýǵa bolady dep, qylmystyń qaq ortasynan  bir-aq shyǵatyndar ár jerden boı kórsetip qalady.  Eldiń ekonomıkasyna orasan zor zııan keltiretin sondaı zymııandardyń biri Rýdnyı qalasynan ustaldy. Qostanaı oblysy boıynsha Qar­jy polısııasy depar­tamentiniń qyz­metkerleri júr­­gizgen  jedel izdestirý shara­larynyń arqasynda jalǵan aqsha shyǵaryp otyrǵan tutas seh joıyldy. Seh Rýdnyı qalasyndaǵy turǵyn úılerdiń birinde ornalasypty.  Onan  qarjy polıseıleri jalǵan aqsha basyp shyǵarǵan  kompıýterlik jáne  uıymdastyrý tehnıkalaryn, sondaı-aq, 2000 teńgeliktiń sýretin salǵan qaǵazdardy, qaǵaz kesetin quraldardy tárkiledi. Jalǵan aq­shamen baıyǵysy kelgen kúdikti, Rýdnyı qalasynyń turǵyny sot sheshimimen tut­qyn­da­lyp, onyń ústinen  Qylmys­tyq ko­dekstiń  206-baby, 2-bóli­mi boıynsha qylmystyq is qoz­ǵaldy. Názıra JÁRIMBETOVA, «Egemen Qazaqstan». RÝDNYI.