Qazaqstan • 30 Maýsym, 2022

Qazaqstanda qańtar oqıǵasy boıynsha 445 adam sottaldy

19 ret kórsetildi

Bas prokýratýranyń qylmystyq qýdalaý qyzmeti bastyǵynyń orynbasary Eldos Qılymjanov qańtardaǵy tártipsizdikterge qatysty jańa málimetterdi aıtty, dep habarlaıdy Egemen.kz.

«Jalpy qańtar oqıǵasyna baılanysty sotqa 392 qylmystyq is joldanyp, olar boıynsha 445 tulǵa sottalǵan. Memlekettik qyzmetshilerge zorlyq-zombylyq kórsetý, múlikti joıýmen baılanysty aýyr qylmystar jasaǵan, keltirilgen zııandy ótemegen jáne ótelmegen sottylyǵy bar 46 sottalýshyǵa bas bostandyǵynan aıyrýdyń naqty merzimderi taǵaıyndaldy», dep málimdedi Eldos Qılymjanov.

Qazir 514 kúdikti qamaýda otyr. Bas prokýratýranyń Qylmystyq qýdalaý qyzmeti bastyǵynyń orynbasary bul adamdardyń qaskúnemdikterge, ǵımarattardy órteýge, atys qarýyn urlaýǵa, memlekettik nysandar men quqyq qorǵaý organdarynyń qyzmetkerlerine qarýly shabýyldarǵa belsene qatysqanyn naqtylady.

Jeke basyn, densaýlyq jaǵdaıyn jáne basqa da sıpattaıtyn materıaldardy eskere otyryp, 284 tulǵany qamaýǵa alý eshqaıda ketpeý týraly jazbasha mindettememen, kepilmen, úıqamaqpen jáne jeke kepildikpen aýystyryldy.

«Jumystyń negizgi bóligi tártipsizdikter men lańkestik aktilerge qatysty. Ister boıynsha myńnan astam kúdikti anyqtaldy. Árqaısysynan jaýap alý, bettestirý, aıǵaqtardy ornynda tekserý jáne naqtylaý jáne t.b. sııaqty tergeý áreketteriniń kesheni júzege asyrylady», dedi Eldos Qılymjanov.

Sońǵy jańalyqtar

Uqsas jańalyqtar