Aımaqtar • 30 Maýsym, 2022

ShQO-da zańsyz ań aýlaýdyń 11 deregi anyqtaldy

15 ret kórsetildi

Shyǵys Qazaqstan oblysynda brakonerlik faktileriniń jolyn kesý boıynsha reıdtik sharalar ótýde. Jyl basynan beri jabaıy ańdardy zańsyz aýlaý boıynsha 11 fakti anyqtaldy, dep habarlaıdy Egemen.kz.

Aqqoja aýylynyń 38 jastaǵy turǵyny zańsyz arqar men kúzen aýlaǵan. Oqıǵa Aıagóz aýdany Tarbaǵataı aýyldyq okrýginiń aýmaǵynda bolǵan.

Zań buzýshy ańdardy 28 kalıbrli tirkelmegen tegis uńǵyly qarýdan atqan. Qorshaǵan ortaǵa 13 mıllıon teńgeden astam shyǵyn kelgen.

Is júzinde Qazaqstan Respýblıkasy Qylmystyq kodeksiniń 337 babynyń 4-bóligi boıynsha qylmystyq is qozǵaldy. 

«Sanksııa 6 myń aılyq eseptik kórsetkishke deıingi mólsherde aıyppul salýdy nemese sol mólsherde túzeý jumystaryna, ne múlkin tárkileýmen 3 jyldan 6 jylǵa deıingi merzimge bas bostandyǵynan aıyrýdy kózdeıdi. 7 jylǵa deıin belgili bir laýazymdardy atqarý nemese belgili bir qyzmetpen aınalysý quqyǵy joq», dep habarlady Shyǵys Qazaqstan oblysynyń PD.

Sońǵy jańalyqtar

Uqsas jańalyqtar