Aımaqtar • 01 Shilde, 2022

Esirtkimen ustalǵan aqtóbelik 10 jylǵa sottaldy

36 ret kórsetildi

Aqtóbe oblysynda esirtkimen ustalyp, 10 jylǵa túrmege qamaldy, dep habarlaıdy Egemen.kz.

Aqtóbe oblysynyń qylmystyq ister jónindegi mamandandyrylǵan aýdanaralyq sotynda QR QK 297-babynyń 3-bóligi 1, 3, 5 tarmaqshalarynda kózdelgen qylmysty jasaǵany úshin kináli dep tanylǵan Aqtóbe qalasynyń 20 jastaǵy turǵynyna qatysty qylmystyq is qaraldy.

Kúdiktiden 19 gramnan astam psıhotroptyq zat tárkilenip, polısııa qyzmetkerlerine ishinde psıhotroptyq zattary bar 11 paketti óz erkimen tapsyrǵan.

Sot otyrysynda sottalýshy kinásin moıyndamaı, jaýap berýden bas tartty. Sondaı-aq sotqa deıingi tergeý barysynda bergen aıǵaqtarynan bas tartty.

Alaıda qylmys jasaǵany polısııa jınaǵan bultartpaıtyn dáleldermen rastaldy.

«Úkim zańdy kúshine endi. Oǵan 10 jyl 6 aıǵa bas bostandyǵynan aıyrý jazasy taǵaıyndalǵan. О́tken jyly jáne osy jyldyń ótken kezeńinde psıhotroptyq zattardy kepilge salýshylarǵa qatysty barlyǵy 15 qylmystyq is sotqa joldandy, toǵyz is boıynsha úkim shyǵaryldy. Onda sottalǵandardyń árqaısysy 10 jyldan astam bas bostandyǵynan aıyryldy», dedi Aqtóbe oblysy PD Esirtki qylmysyna qarsy is-qımyl basqarmasynyń bastyǵy Nurlan Taýshanbaev.

Aıana Toǵanbek

Sońǵy jańalyqtar

Uqsas jańalyqtar