Aımaqtar • 01 Shilde, 2022

Qaraǵandyda ǵarysh monıtorıngi bazada tirkelmegen 11 myń jer ýchaskesin tapty

28 ret kórsetildi

Sıfrlyq damý, ınnovasııalar jáne aeroǵarysh ónerkásibi mınıstriniń orynbasary Ashat Orazbek Qaraǵandy oblysynyń halqymen kezdesý barysynda qoljetimdi ınternet, memlekettik qyzmetterdi sıfrlandyrý, ǵaryshtyq monıtorıng jáne ınnovasııalardy engizý jaıly aıtty, dep habarlaıdy Egemen.kz.

Eń aldymen vıse-mınıstr sıfrlyq sheshimder engizý arqyly halyqtyń jaǵdaıyn jaqsartý máselesine toqtaldy. Onyń aıtýynsha, mınıstrlik júzege asyryp jatqan jobalar adamdardyń ómir sapasyn arttyrýǵa baǵyttalǵan. Bul oraıda kóptegen memlekettik qyzmetterge eGov portaly men mGov mobıldi qosymshasy arqyly qol jetkizýge bolady. Sondaı-aq keń qoldanystaǵy 18 qujattyń - jeke kýálik, vaksınalaý pasporty, týý týraly kýálik jáne taǵy basqa qujattyń sıfrlyq nusqasyn paıdalanýǵa bolady. Onyń ústine, azamattarǵa qolaıly jaǵdaı jasaý maqsatynda, memlekettik qyzmetterdi ekinshi deńgeıli bankterdiń qosymshasy arqyly alý múmkindigi qarastyrylǵan. Ashat Orazbek birqatar memlekettik qyzmetti HQKO-ǵa barmaı-aq proaktıvti túrde alýǵa bolatynyn atap ótti.

«Búgingi tańda áleýmettik mańyzy bar 23 qyzmet proaktıvti nusqada usynylady. Mysaly, bala týǵanda, ata-anasyna SMS-habarlama joldanyp, tıisti aqparat suratylady da, týý týraly kýálik avtomatty túrde resimdeledi», dedi vıse-mınıstr.

Sonymen qatar qarjyny únemdeýge jáne sybaılas jemqorlyqtyń aldyn alýǵa múmkindik beretin bıometrııa tehnologııasy men QR-kod arqyly tólem jasaý, jer qatynastaryn sıfrlandyrý, sıfrlyq ıpoteka, «vıdeo-HQO» jáne basqa da qyzmetter iske qosyldy.

Ashat Orazbektiń aıtýynsha, mınıstrliktiń maqsaty – memlekettik qyzmet kórsetý prosesindegi adamı faktordy alyp tastaý. Bul rette jeke kýálikti mıgrasııa qyzmetine júginbeı-aq, 5-10 mınýtta alý jáne qaıta jasatý úshin «qujattandyrý termınalyn» engizý josparlanǵan.

Kezdesýde baılanys jáne ınternet máselesi de qozǵaldy. QR SDIAО́M habarlaýynsha, qazir Qaraǵandy oblysy halqynyń 99 paıyzy ınternetpen qamtylǵan. Qalǵan 1 paıyzyna ınternet keń jolaqty jáne geostasıonarlyq spýtnık júıeleri arqyly 2024 jylǵa deıin jetkiziledi. Sátbaev qalasynda ınternet 2023 jyldyń sońyna deıin ótkiziledi.

Sondaı-aq vıse-mınıstr jaıylymdar men ormandardy zertteý, zańsyz basyp alynǵan nemese maqsatsyz paıdalanylyp jatqan jerler, zańsyz aǵash kesý jaıttaryn anyqtaý úshin oblys terrıtorııasyna ǵaryshtyq monıtorıng jasalatynyn aıtty. Mysaly, aǵash kesýdiń 44 polıgony, jer kadastry bazasyna engizilmegen 11 myń jer telimi, maqsatsyz qoldanylyp jatqan 34 ga jer aýmaǵy anyqtalǵan.

«Onyń ústine ǵaryshtan monıtorıng jasaý arqyly órt oshaqtary men mańaıynda ornalasqan eldi mekenderdiń, sondaı-aq asa mańyzdy nysandardyń, joldardyń jáne t.b. naqty geografııalyq koordınattaryn anyqtaýǵa bolady. 2021 jyly 1, 098 ga ormandy dala órtengen, 2022 jylǵy sáýir-mamyr aılarynda – 31,3 ga, tasqyn sý qaýipi bar 154 ýchaski», dedi Ashat Orazbek.

Vıse-mınıstr Temirtaý qalasynyń halyqqa qyzmet kórsetý ortalyǵynda azamattardy qabyldady. Vıse-mınıstr halyqtyń saýaldaryna jaýap berip, mınıstrlik quzyretine kirmeıtin suraqtar boıynsha tıisti mekemelermen kelissóz júrgizip, máseleni sheshýge atsalysatynyn aıtty.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar