Elorda • 01 Shilde, 2022

Elordada sýburqaqtan enterovırýs anyqtaldy

49 ret kórsetildi

Nur-Sultanda sýburqaqtan enterovırýs RNK-sy anyqtaldy. Bul týraly elordanyń bas sanıtar dárigeri Sarhat Beısenova málim etti, dep habarlaıdy Egemen.kz.

«Aýa raıynyń jyly bolýyna jáne shomylý maýsymynyń bastalýyna baılanysty elordada enterovırýstyq ınfeksııamen syrqattanýshylyqtyń maýsymdyq artýy baıqalady. Atap aıtqanda, sońǵy eki aptada Nur-Sultan qalasy boıynsha syrqattanýshylyq deńgeıi 2,6 ese ósti. Jalpy jyl basynan beri 453 adam aýyryp qaldy. Onyń 52 paıyzy nemese 234 jaǵdaı jazǵy kezeńge keledi. Balalar, sondaı-aq ımmýn tapshylyǵy bar nemese basqa syrqat túrlerinen álsiregen adamdar bul ınfeksııaǵa kóbirek beıim. Jyl basynan beri tirkelgen barlyq jaǵdaılardyń 98 paıyzy nemese 443-i - 14 jasqa deıingi balalar. Qazirgi ýaqytta 63 bala em alýda», dedi ol.

Onyń aıtýynsha, epıdemııalyq maýsymda balalar arasynda enterovırýstyq ınfeksııanyń kóp taralýynyń negizgi sebebi sý qoımalarynda, basseınder men sýburqaqtarda shomylý bolyp tur.

«Osy mán-jaılardy eskere otyryp, Nur-Sultan qalasynyń sanıtarııalyq-epıdemıologııalyq baqylaý departamenti turǵyndarǵa balalardyń densaýlyǵyn saqtaý boıynsha barlyq sharalardy qabyldaý jáne olardyń ómirine qaýip tóndiretin barlyq jaǵdaılardyń aldyn alý qajettiligi týraly keńes beredi», dedi Sarhat Beısenova.

Esterińizge sala keteıik, astanalyq sanıtarııalyq-epıdemıologııalyq baqylaý departamenti epıdemıologııalyq maýsymda mamyrdan qyrkúıekke deıin zerthanalyq zertteýlerge sý synamalaryn ala otyryp, sýburqaqtardyń sý sapasyna sanıtarlyq-epıdemıologııalyq monıtorıng júrgizedi. Zerthanalyq zertteýler nátıjeleri boıynsha sáıkessizdikter anyqtaldy.

Atap aıtqanda, laılylyq boıynsha ruqsat etilgen mánniń 1,04 - 1,4 ese artýy baıqalady. Sondaı-aq Abaı jáne Jeńis dańǵyldarynyń qıylysynda ornalasqan sý burqaqta vırýsologııalyq kórsetkishter boıynsha enterovırýs RNK-sy anyqtalyp otyr.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar