Sport • 04 Shilde, 2022

Velosherýshiler elordaǵa bet aldy

378 ret kórsetildi

13 shildede Qazaqstan Respýblıkasy Ulttyq qaýipsizdik komıtetiniń qurylǵanyna 30 jyl tolady. Osynaý aıtýly merekege oraı, UQK Avıasııalyq qyzmet basqarmasynyń salaýatty ómir saltyn ustanatyn áskerı qyzmetshileri Almaty – Nur-Sultan baǵyty boıynsha velosherý uıymdastyrdy, dep habarlaıdy Egemen.kz.

Atalǵan merekelik marafonǵa UQK Avıasııalyq basqarmasynyń podpolkovnık Talǵat Halıtov bastaǵan birneshe áskerı qyzmetshisi qatysýda. Olardyń qatarynda shekarashy ofıser de bar. Veloshabandozdar elordaǵa deıingi 1200-den astam shaqyrymdy basyp ótýge tıis. Marafonshylar Almaty, Jambyl, Qaraǵandy jáne Aqmola oblystarynyń eldi mekenderinen ótedi.

- On bir kúnge sozylatyn saparymyzdy jeńil dep aıta almaımyn. Degenmen, biz aldan kezdesken kez kelgen qıyndyqty eńseremiz dep oılaımyz. О́ıtkeni eń aldymen biz elimizdiń tynyshtyǵyna jaýap beretin Ulttyq qaýipsizdik komıtetiniń 30 jyldyq tól merekesin ulyqtaýdy maqsat tuttyq. Sondaı-aq elimizdiń erteńi sanalatyn óskeleń urpaqty salaýatty ómir saltyna tárbıeleýdi maqsat etip otyrmyz, - dedi top basshysy podpolkovnık T.Halıtov.a

1-11 shilde aralyǵynda ótetin velomarafonǵa Talǵat Bolatulymen birge qatysýǵa tilek birdirgen podpolkovnık Dáýren Buharov, kapıtandar Dáýlet Mámbetalıev, Qanat Qaırat jáne UQK Shekara qyzmetiniń Almaty oblysy boıynsha departamentiniń bólimshe bastyǵy maıor Abaı Saparovtar mańyzdy saparǵa muqııat daıyndalypty.

Mańyzdy mıssııa arqalaǵan veloshabandozdardy alys jolǵa atalǵan basqarma basshysy polkovnık A.Kýznesov bastaǵan jeke quram aq jol tilep, shyǵaryp saldy. Budan ári marafonshylar Boraldaı-Komsomol eldi mekenderiniń arasyndaǵy 15 shaqyrymdyq jerdi UQK Áskerı polısııasy qyzmetkerlerimen birge basyp ótti.

Alda sportshylardy Jambyl aýdanynyń Qansheńgel aýylyna deıingi 160 shaqyrym kútip tur. Munan keıin Aqsúıek, Úlken, Saryshaǵan, Gúlshat, Balqash, Aqshataý, Aqsý-Aıýly sekildi eldi mekenderden ótken marafonshylar 9 shilde kúni keshki saǵat 19.00-de Qaraǵandy qalasyna jetip toqtaıdy. Ári qaraı Qaraǵandy men Aqmola oblystarynyń shekarasynda turǵan Vıshnevkany kesip ótken soń, UQK Týyn jelbiretip, Nur-Sultan qalasyna jetedi. Munda arasynda UQK Shekara qyzmetiniń ofıseri bar áskerı qyzmetshilerdi elordanyń tórinde ótetin merekelik rásim kútip tur.   

 

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar