Elorda • 05 Shilde, 2022

Astana kúnine oraı qandaı is-sharalar ótedi

35 ret kórsetildi

Bıyl Nur-Sultanda qala kúnine oraı otshashý bolmaıdy, dep habarlaıdy Egemen.kz qala ákimdigine silteme jasap.

Qalanyń 24 jyldyǵyna oraı konsertter men túrli sporttyq festıvalder ótkiziledi.

Astana kúninde qalada birqatar áleýmettik nysandardyń (kezekte turǵandarǵa páter kiltterin tapsyrý), zaýyttyń, skverlerdiń, qoǵamdyq keńistikterdiń, 80-nen astam aýla aýmaqtarynyń ashylýy ótedi.

Sondaı-aq osy kúnge oraı qalanyń birqatar vedomstvolyq baǵynysty uıymdary konsertter, sporttyq týrnırler, kórmeler uıymdastyrady.

1-6 shilde aralyǵynda «Atameken» etno-memorıaldyq kesheninde «Elorda peızajdary» atty art-kórme jumys isteıdi.

1-8 shilde aralyǵynda – «El tiregi – Elorda» kórmesi ótedi.

Búgin, 5 shilde kúni «Álem kartasyndaǵy jańa elorda» ashyq esik kúni ótedi.

4-6 shilde aralyǵynda Ortalyq saıabaqta «Mereke Street» qalalyq mádenıet festıvali ótedi.

5 shilde kúni saǵat 19:00-de fılarmonııanyń konsert zalynda «Ázil álemi» ázil keshi uıymdastyrylady.

Sondaı-aq búgin «Astana Opera» opera jáne balet teatry «Shopenıana» jáne «Shehrezada» kúmis dáýiriniń baletterin usynady.

5 jáne 6 shildede «Kolızeı» sport keńistiginde «Otan Ana» monýmentiniń janynda strıtboldan «Nur Sultan Cup» týrnıri uıymdastyrylady.

5-9 shilde aralyǵynda «Astana Balet» teatry «Orfeı jáne Evrıdıka» baletiniń premerasyna shaqyrady.

6 shildede saǵat 11:00-de Trıatlon parkte «Elorda Tolqyny» sporttyq jarysy bastalady. Osy ýaqytta «Qazanat» ıppodromynda shabandozdar «Elorda kýbogy» úshin báıge túrlerinen baq synaıdy.

Keshke, saǵat 21:00-de Amfıteatr sahnasynda Ulyqpan Joldasov «Aq qanat-aq qusym» baǵdarlamasymen óner kórsetedi. Saǵat 18:00-den 22:00-ge deıin «Astana-Arena» stadıonynyń turaǵynda dástúrli Open air «Halyqpen birge» ótedi.

Sol kúni keshke «Qazaqstan» OKZ «Dos-Muqasan» ansambliniń shyǵarmashylyǵyna arnalǵan «Dalam meniń» konserti uıymdastyrylady.

8 shildede Amfıteatrda «Men seni súıemin, meniń astanam» atty konserttik qoıylym ótedi.

Aıta ketsek, «Barys Arena» muz saraıynyń janynda 12 saǵattyq Open air «You Fest» sharasyn ótkizý 20 shildege aýystyryldy.

Sońǵy jańalyqtar

Uqsas jańalyqtar