Oqıǵa • 05 Shilde, 2022

Alakóldegi órtten 17 ǵımarat janyp ketti – TJM

21 ret kórsetildi

Bul týraly Tótenshe jaǵdaılar mınıstrliginiń resmı ókili Talǵat Ýálı málim etti, dep habarlaıdy Egemen.kz.

«О́rttiń naqty shyǵý sebebi áli anyqtalmaǵan. Negizgi órt shyqqan ǵımarat – «Kerýen» demalys úıi. 4 demalys ornyndaǵy 17 ǵımarat tolyǵymen janyp ketti. Dál qazirgi ýaqytta órt sóndirilgen. Demalys ortalyqtarynda gıdrokran ornatylmaǵan. Sý jaqyn bolǵandyqtan, oǵan eshqandaı qajettilik týyndamady. Sýdyń jetispeýshiligine baılanysty másele bolǵan joq. Tek materıaldar tez tutanǵysh bolǵan soń órt jedel tarap ketti. 3 myń sharshy metr aýmaqqa jaıyldy», dedi mınıstrliktiń resmı ókili.

Talǵat Ýálıdiń málimetinshe, negizgi kúsh kelgenge deıin tilsiz jaýdy demalys ornynda ornalasqan ýaqytsha órt sóndirý beketteriniń kómegimen aýyzdyqtaýǵa tyrysqan. Al eń jaqyn jerde ornalasqan negizgi órt sóndirý beketi 150 shaqyrym jerdegi aýdan ortalyǵynda bolǵan. Sondaı-aq, mınıstrlik ókili «demalýshylar órtti tolyq ózderi sóndirdi» degen áleýmettik jelide taraǵan aqparattyń shyndyqqa janaspaıtynyn málimdedi.

«Birinshi kezekte bizdiń ýaqytsha órt sóndirý beketteri jumysqa kiristi. Degenmen ol jerlerde demalýshylar kómektesti. О́zderiniń, balalarynyń qaýipsizdigi úshin qolushyn sozdy. Biraq qyzyl jalyndy tolyǵymen demalýshylar aýyzdyqtady degen shyndyqqa janaspaıdy. Alaıda, shet qalmaı kómektesken demalýshylarǵa alǵys aıtamyz. Polısııa oqıǵa ornyna jetkennen keıin sol jerdegi adamdardy qaýipsiz jerge kóshirildi. Demalys ornynda qansha týrıst bolǵany áli anyqtalyp jatyr», dedi Talǵat Ýálı.

Talǵat Ýálı qazir óńirde arnaıy komıssııa qurylyp, shyǵyn eseptelip, órttiń saldaryn joıý jumysy júrgizilip jatqanyn jetkizdi. Onyń aıtýynsha, órt kezinde qujaty men múlki janyp ketken demalýshylar arnaıy organdarǵa aryz jazý arqyly shyǵynyn óndirip ala alady.

Sońǵy jańalyqtar

Uqsas jańalyqtar