Elbasy • 06 Shilde, 2022

Nursultan Nazarbaevtyń atyna merekelik hattar kelip túsýde

80 ret kórsetildi

Nursultan Nazarbaevtyń atyna Elorda kúnine jáne óziniń týǵan kúnine oraı merekelik hattar men jedelhattar kelip túsýde, dep habarlaıdy Egemen.kz Tuńǵysh Prezıdenttiń saıtyna silteme jasap. 

Reseı Federasııasynyń Prezıdenti Vladımır Pýtın óz jedelhatynda Qazaqstannyń qazirgi tarıhyndaǵy asa mańyzdy belesterdiń barlyǵy Nursultan Nazarbaevtyń esimimen tyǵyz baılanysty ekenin atap ótti. Vladımır Pýtın Qazaqstannyń Tuńǵysh Prezıdenti óziniń uzaq jyldar boıy atqarǵan memlekettik qyzmetinde otandastarynyń qurmetine bólenip, halyqaralyq abyroıǵa ıe bolǵanyn jetkizdi. Reseı Federasııasynyń Prezıdenti sondaı-aq Nursultan Nazarbaevtyń ıntegrasııalyq bastamalardy júzege asyrýdaǵy róline toqtaldy.

«Elderimiz arasynda odaqtastyq qatynastar men strategııalyq yntymaqtastyq ornatýǵa, sonymen qatar Eýrazııa keńistigindegi ıntegrasııalyq prosesterdi ilgeriletýge Sizdiń qosqan úlesińiz zor», delingen Vladımır Pýtınniń jedelhatynda.

Qytaı Halyq Respýblıkasynyń Tóraǵasy Sı Szınpın eki el halyqtarynyń arasyndaǵy jan-jaqty yntymaqtastyqty tereńdetýge Nursultan Nazarbaevtyń qosqan úlesine toqtaldy. Ol Qazaqstan men Qytaı arasyndaǵy qazirgi memleketaralyq qatynas tatý kórshiliktiń úlgisi ekenin atap ótti.

«Sizdiń ekijaqty qarym-qatynasty ilgeriletý men damytýǵa qosqan úlesińizdi joǵary baǵalaımyn», degen Sı Szınpın Qazaqstannyń Tuńǵysh Prezıdentin kez kelgen ýaqytta Qytaı eliniń qurmetti meımany retinde qarsy alatynyn jetkizdi.

Jyly lebizin bildirip jedelhat joldaǵan, Nursultan Nazarbaevtyń el Prezıdenti qyzmetindegi róline joǵary baǵa bergen basqa da shetel memleketteri men úkimetteri basshylarynyń qatarynda О́zbekstan Respýblıkasynyń Prezıdenti Shavkat Mırzııoev, Tájikstan Respýblıkasynyń Prezıdenti Emomalı Rahmon, Belarýs Respýblıkasynyń Prezıdenti Aleksandr Lýkashenko, Qyrǵyz Respýblıkasynyń Prezıdenti Sadyr Japarov, Reseı Federasııasy Úkimetiniń Tóraǵasy Mıhaıl Mıshýstın jáne basqalary bar.

Túrli memleketterdiń kóshbasshylary Qazaqstannyń Tuńǵysh Prezıdentiniń elder arasynda tatý kórshilik, strategııalyq yntymaqtastyq jáne dostyq baılanystardy damytýǵa qosqan úlesin joǵary baǵalady.

Merekelik quttyqtaýlarda Nursultan Nazarbaevtyń basshylyǵymen Qazaqstan táýelsizdik jyldarynda saıası, ekonomıkalyq jáne áleýmettik salalarda mańyzdy jetistikterge jetip, halyqaralyq qoǵamdastyqta laıyqty orynǵa ıe bolǵany aıtylǵan.

Reseı Federasııasynyń jáne alys-jaqyn shetelderdiń memleket jáne qoǵam qaıratkerlerinen kóptegen hattar kelip tústi. Onda Qazaqstannyń Tuńǵysh Prezıdentiniń Eýrazııa keńistiginde yntymaqtastyqty, turaqtylyq pen qaýipsizdikti nyǵaıtýǵa qosqan zor úlesi atap ótilgen.

Jyldaǵy dástúr boıynsha qazaqstandyq saıası qaıratkerlerden, otandyq jáne sheteldik isker toptar ókilderinen quttyqtaýlar kóp boldy. Olar Nursultan Nazarbaevtyń elimizde saıası turaqtylyq pen áleýmettik-ekonomıkalyq damýdy qamtamasyz etý jolyndaǵy eńbegine toqtaldy.

Qazaqstannyń kórnekti qoǵam qaıratkerleri, ǵylym men shyǵarmashylyq ıntellıgensııa ókilderi Qazaqstannyń Tuńǵysh Prezıdentin Elorda kúnimen quttyqtap, zor densaýlyq tilegen jyly lebizderin jetkizdi. Bul qatarda mádenıet qaıratkeri, opera ánshisi M.Mýdrıak elimizdiń gúldenýine, halyqtyń ál-aýqatynyń jaqsarýy jolynda úlken ister atqarǵan Qazaqstannyń Tuńǵysh Prezıdentin maqtan tutatynyn aıtty.

Elimizdiń jáne taıaý shetel azamattarynan Nursultan Nazarbaevtyń atyna zor densaýlyq pen sarqylmas kúsh-qýat tilep, jyly lebizderin joldaǵan hat-habarlar kóptep keldi. Túrli býyn ókilderi men kásip ıeleri Nursultan Nazarbaevqa Qazaqstan Prezıdenti kezinde atqarǵan qyzmeti úshin alǵys bildirdi. Olardyń ishinde Nur-Sultan qalasynda turatyn apaly-sińlili Aıjan men Álııa Aıthojınalar Tuńǵysh Prezıdentti týǵan kúnimen quttyqtap, osyndaı ásem qala úshin shynaıy alǵys sezimderin bildirdi. Al Almaty oblysynyń turǵyny N.Edigeeva óziniń jyly lebizi men shynaıy tilekterin óleń joldary arqyly jetkizdi.

Nursultan Nazarbaev kelip túsken hat-habarlarmen tanysyp, barlyq quttyqtaý hattardyń avtorlaryna jyly sózderi men ystyq tilekteri úshin rızashylyǵyn bildiredi.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar