Aımaqtar • 07 Shilde, 2022

Almaty ákimdiginiń ǵımaraty qashan qalpyna keltiriledi

28 ret kórsetildi

Almaty ákimi Erbolat Dosaev qala ákimdiginiń ǵımaratyn jyl sońyna deıin qalpyna keltirý josparlanǵanyn málimdedi, dep habarlaıdy Egemen.kz.

«Memleket basshysynyń rezıdensııasy jaıly aıtatyn bolsaq. Buryn egjeı-tegjeıli onda mekeme qarastyrylǵan bolatyn. Biz qazir egjeı-tegjeıli josparlaý jobasyn ózgertemiz. Onda alań emes, saıabaq aımaǵy paıda bolady. Biz ákimdiktiń janynda ornalasqan saıabaq aımaǵyn biriktirgimiz keledi. Ol Sátpaev kóshesine deıin ótpeli bolady», dedi Erbolat Dosaev.

Ákim saıabaq aımaǵynyń eskızdik jobasy qala qurylysy keńesiniń múshelerimen talqylanatynyn aıtty.

Ol sondaı-aq 8 shildede ákimdik ǵımaraty boıynsha jobalaý-smetalyq qujattamanyń qorytyndysyn alatynyn málimdedi.

«Biz alǵash ret osy ıgiligimizdi jóndeýmen aınalysatyn bes almatylyq kompanııadan turatyn konsorsıým qurdyq. Ǵımarat qalpyna keltirilýge jatady. Barlyq jumystar jyl sońyna deıin aıaqtalady dep josparladyq. Biraq negizgi úsh ǵımarattyń ózimen emes, metall órtenip ketken kúmbezdi zalmen baılanysty qıyn jobalyq sheshimder boldy. Sondyqtan jumys júrgiziledi, kelesi jyldyń naýryzyna deıin qalpyna keltirý aıaqtalady dep úmittenemiz», dedi qala basshysy.

Sońǵy jańalyqtar

Uqsas jańalyqtar