«Qajymuqan Muńaıtpasov atyndaǵy stadıon týraly aıtaıyn. 2020 jyly kúrdeli jóndeý jobasy bar edi. Qurylys-montaj jumystaryna konkýrs jarııalap, merdigerdi anyqtadyq. Merdiger jobany júzege asyrýǵa kirisken boıda qurylym júktemeni kótere almaı, bolashaqta buzylý qaýpin týdyrýy múmkin ekeni anyqtaldy», dedi Kólginov.
Ákim stadıonǵa qatysty saraptama qorytyndysy qabyldanǵanyn aıtty.
«Sarapshylar qorytyndy jasady. Biraq qalalyq Tótenshe jaǵdaılar departamentindegi jaǵdaıdy eskere otyryp, aqparatty qaıta tekseremiz dep oılaımyn. Stadıon oń jaǵalaýdaǵy aýdanǵa qajet, óıtkeni sportpen, fýtbolmen áýestenetinder sany artyp keledi. Ol jerge jańa nysan - sol stadıondy salý kerek», dep jaýap berdi ákim.
2021 jylǵy qazanda Nur-Sultandaǵy Qajymuqan Muńaıtpasov atyndaǵy ortalyq stadıondy apatty dep tanyǵan. Ǵımarat pen kórermen minberi qıratylyp, ornyna jańa keshen salynady.
Eske salaıyq, buǵan deıin Antıkor Nur-Sultandaǵy stadıonǵa qatysty para alý deregin tergep jatqany belgili bolǵan edi.
