«2022 jylǵy 11 shildede Kaspıı ıtbalyǵy Aqtaý qalasyndaǵy jaǵajaı jaǵalaýyna shyqty. Janýar kún sáýlesinde shamamen 40 mınýt jylynyp, sodan keıin sýǵa oralyp, júzip ketti. Bul rette, janýardyń saýlyǵyn jáne qandaı da bir jaraqat almaǵany týraly aıtýǵa bolady. Jaıyq-Kaspıı oblysaralyq basseındik balyq sharýashylyǵy ınspeksııasyna Kaspıı teńiziniń jaǵalaý beldeýine monıtorıngti kúsheıtý tapsyryldy. 2020 jyldan bastap Kaspıı ıtbalyǵy sırek kezdesetin jáne quryp ketý qaýpi tóngen janýarlar túrleriniń tizbesine engizilgenin eske sala keteıik», delingen habarlamada.
Sondaı-aq onda janýarlardyń sırek kezdesetin jáne quryp ketý qaýpi tóngen túrlerimen zańsyz aınalysqany úshin qylmystyq jaýaptylyq kózdelgeni jáne quqyqbuzýshy múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan 5 jylǵa deıingi merzimge aıyrylady.
Zań buzǵan adamǵa 3000 AEK deıingi mólsherde aıyppul salynyp, ne 800 saǵatqa deıingi merzimge qoǵamdyq jumystarǵa jegiledi, ne 3 jylǵa deıingi merzimge bas bostandyǵy shektelip, ne sol merzimge bas bostandyǵynan aıyrylýy múmkin.
«Sonymen qatar, QR QK-niń 316-babymen janýardyń mertigýine ákep soqqan qatygezdigi úshin jaýapkershilik kózdelgen», dep qosty vedomstvonyń baspasóz qyzmeti.
