«Kıik popýlıasııasyn retteý týraly aıtatyn bolsaq, keshe biz ǵylym men salalyq qaýymdastyqtardyń qatysýymen jınalys ótkizip, ortaq bir sheshimge keldik. Birinshi. Tereń monıtorıng júrgizip, kıik polpýlıasııasyn tıimdi retteý úshin kúrdeli ǵylymı zertteýler júrgizý qajet. Bıyl Zoologııa ınstıtýty Ǵylym jáne joǵary bilim mınıstrligine osy taqyryp boıynsha zertteýler júrgizý úshin ótinim bergen edi. О́kinishke qaraı, bul joba qabyldanbady. Osyǵan baılanysty, Álıhan Ashanuly, Ǵylym jáne joǵary bilim, Qarjy mınıstrlikteri osy zertteýlerdi qarjylandyrýdy bıyldan bastap qarastyrýyn suraımyz», dedi Serikqalı Brekeshev.
Sondaı-aq mınıstr kıikten zardap shekken sharýalardyń máselesin de nazardan tys qaldyrmady.
«Atalǵan zertteýler júrgizilip, onyń qorytyndysy shyqqanǵa deıin sharýalarǵa kelgen zalaldy esepteý ádistemesi ázirlenip, ótemaqy tóleý máselesi pysyqtalady», dedi ol.
Eske sala ketsek, keshe el Prezıdenti Qasym-Jomart Kemeluly atalǵan vedomstvonyń jumysyna syn aıtyp, Serikqalı Brekeshevke sógis jarııalaǵan edi.
