Eýrokomıssııa tóraıymy Ýrsýla fon der Lıaıen qos eldiń premer-mınıstrlerimen júrgizgen kelissózderde bul úderis jyldarǵa sozylsa da, qosymsha saıası jáne ekonomıkalyq turaqtylyq ákeledi dep úmitenetinin jetkizdi.
«Investısııa aǵylyp, saýda baılanystary jaqsarady. Energetıka jáne kólik sııaqty negizgi salalarda tyǵyz yntymaqtastyq ornaıdy. EO qarajatyn kóbirek jáne barynsha tıimdi paıdalaný múmkindigi týady. Bul jańa jumys oryndary men jańa bıznes múmkindikteri paıda bolatynyn bildiredi», dedi Eýrokomıssııa tóraıymy.
Soltústik Makedonııa Eýroodaqqa kandıdat mártebesin 2005 jyly alǵan edi.
Aıta keterligi, qos eldiń Eýroodaqqa kirýiniń naqty merzimi áli belgilenbegen. Múshelik týraly kelissózderdiń sátti ótýi elderdiń EO zańdary men erejelerin, zań ústemdigi qaǵıdattaryn qanshalyqty jyldam qoldanýyna, sondaı-aq sybaılas jemqorlyqpen sátti kúresýge kepildik bere alatynyna baılanysty bolyp otyr.
