«Elordada stasıonarlardyń qýattylyǵy 634 tósek-orynǵa jetedi. Onyń ishinde 75-i – reanımasııalyq tósek-oryn. Qazirgi tańda koronavırýsqa shaldyqqan naýqastardy emdeý úshin 7 ınfeksııalyq stasıonar jumyldyrylǵan. Infeksııalyq stasıonarlarda 260 naýqas jatyr. 238 adamnan koronavırýs anyqtalsa, 22 pasıent pnevmonııadan emdelýde. Osylaısha júkteme 41% bolyp tur. 17 pasıent jansaqtaý bóliminde, 2 adam ókpege jasandy dem beretin apparatqa jalǵanǵan», dedi T.Muratov.
Onyń aıtýynsha, naýqastardyń arasynda KVI-ǵa qarsy ekpe alǵandar da almaǵandar da indet juqtyrǵan.
«Pandemııa bastalǵannan beri qalamyzda 3.3 mıllıonnan astam koronavırýs ınfeksııasynyń PTR dıagnostıkasy júrgizilgen. О́tken táýlik ishinde 586 jańa jaǵdaı anyqtaldy. Sońǵy 3 aptada ortasha eseppen táýligine 150-ge jýyq jaǵdaı tirkelip, 20 adam aýrýhanaǵa jatqyzylýda», dedi ol.
