Jarysqa Japonııa, Koreıa, Gonkong, Qytaı, Qyrǵyzstan sııaqty 13 elden 100-den astam sportshy qatysty.
Qazaqstan namysyn 15 sportshy qorǵady. Qazaqstandyq Daryn Qonysbaev U23 sanatynda ekinshi oryndy ıelendi. Al, bas júldeni Gonkongtaǵy Oskar Koggıns jeńip aldy. Ol jarystyń basynan bastap joǵary qarqyn alyp, 1 saǵat 51 mınýt 14 sekýndta úsh kezeńdi aıaqtady. Al úshinshi oryn Qytaıdan kelgen Sın Chenge buıyrdy.
U23 sanatynda áıelder arasynda Japonııa men Qytaıdan kelgen qatysýshylar kósh bastap tur. Birinshi oryndy 2:10:26 esebimen japonııalyq Izýmı Ikegýchı ıelendi. Al aspan asty eliniń ókilderi Ven Veı men Sını Lın ózderiniń komandalyq qorjynyna «kúmis» pen «qola» saldy.
U19 jarystarynda eki japondyq sportshy alǵa shyqty: Mako Hırazýmı - 1 oryn jáne Manamı Hııashı – 2 oryn. Al «qolany» Gonkong komandasynyń sportshysy Sharlotta Holl aldy.
Jigitter arasynda Japonııa ókilderi de jeńiske jetti: Amý Omýro men Takýto Osıma birinshi jáne ekinshi oryndardy ıelendi. Júldegerler qatarynda qola júldeni jeńip alǵan qazaqstandyq sportshy Egor Krýpıakov ta bar.
