Halyqtyń talap-tilegin tyńdady

Parlament Senatynyń depýtaty Nur­jan Nursıpatov Baıanaýyl aýdanyna ju­mys sapary barysynda Jańatilek jáne Baıan­aýyl aýyldyq okrýgterine baryp, ákim­dermen, jergilikti bıýdjettik uıymdardyń ókilderimen jáne aýdan aktıvimen kezdesti.

Senator Palatanyń zań shyǵarý jumysy jáne ótken sessııada Senatta qabyldanǵan zańdar týraly kezdesýge qatysýshylarǵa aıtyp berdi. Nurjan Nursıpatov zańdar azamattarymyzdyń ál-aýqatyn arttyrýǵa baǵyttalǵanyn atap ótti.

Kezdesý barysynda áleýmettik-ekono­mı­ka­lyq damý, turǵyn úı-kommýnaldyq sala má­seleleri, sondaı-aq jergilikti bıýdjet qa­ra­jatyn tıimdi ıgerý máseleleri talqy­landy.

Jergilikti jurtshylyq ókilderi óz kezeginde halyqtyń áleýmettik jaǵdaıyn jaqsartýǵa baǵyttalǵan birqatar usynys aıtty. Senator kóterilgen máselelerdiń barlyǵy zań shyǵarý qyzmeti barysynda eskerilip, tıisti memlekettik organdarmen pysyqtalatynyn atap ótti.

Parlament Senatynyń depýtattary Narıman Tóreǵalıev pen Lázzat Rysbekova Qaratóbe jáne Shyńǵyrlaý aýdandaryn aralap, aýdan ortalyǵy men Hankól aýylynyń turǵyndarymen kezdesti.

Depýtat Narıman Tóreǵalıev Senattyń atqarǵan jumysy men Konstıtýsııaǵa engi­zilgen ózgerister, Prezıdenttiń bastamalaryn zańnamalyq qamtamasyz etý jónindegi parlamentshiler qabyldaǵan sharalar jáne Konstıtýsııaǵa engizilgen ózgeristerdi iske asyrýǵa qajetti jańa zańdar týraly kezdesý qatysýshylaryna aıtyp berdi.

Jergilikti turǵyndar óz kezeginde turǵyn úı berý jáne jerdi paıdalaný, azyq-túlik baǵasynyń ósýi, ónerkásipti damytý jáne jańa mektep salý máselelerin kóterdi.  Parlament depýtattary Almaz, Aqshat jáne Shyńǵyrlaý aýyldyq okrýgterin de aralady. Turǵyndardyń aıtýynsha, aýdan ortalyǵyn kóktemgi jáne kúzgi kezeńderde eldi mekendermen baılanystyratyn Segizsaı – Aqshat – Shyńǵyrlaý jolyn sý basady, keı jeri shaıylyp ketip halyqqa qıyndyq týǵyzady. Senatorlar kóterilgen barlyq másele tıisti memlekettik organdardyń nazaryna jetkiziletinin jáne baqylaýǵa alynatynyna nazar aýdardy.

Senat depýtaty Lázzat Súleımen jumys sapary barysynda Jetisý óńirinde bolyp, quqyq qorǵaý organdarynyń ókilderimen kezdesti. Oblystyq prokýratýra men ishki ister departamenti ókilderimen kezdesýde depýtatqa qańtar oqıǵasy boıynsha júrgizilip jatqan tergep-tekserý barysy týraly baıandaldy. О́z kezeginde oblys prokýratýrasy azaptaý faktileriniń árqaısysy tekserilip, kináli azamattar tıisti jazasyn alatynyn aıtty.

Sonymen qatar senatorǵa qylmystyq prosestiń úsh deńgeıli modelin engizý qyl­mys­tardy ashýǵa kómektesetini, sonymen qatar sıfrlandyrý deńgeıin arttyrý qajet ekeni aıtyldy. Sapar barysynda depýtat Aqsý óńirinde de bolyp, birqatar áleýmettik jobanyń júzege asyrylý barysyn talqylady.