Vedomstvo málimetinshe, Eýrazııalyq ekonomıkalyq odaqtyń (EAEO) keden aýmaǵyna úshinshi elderden ýaqytsha ákelingen kólik quraldary sheteldik taýar sanalady jáne kedendik baqylaýda bolady.
«MKK ýaqytsha ákelingen kólik quraldaryn satyp alýǵa jáne Qazaqstan aýmaǵynda paıdalanýǵa tek kedendik tazartýdan soń jáne sáıkesinshe tıesili kedendik alymdar men salyqtardy tólegen soń ǵana qoldanýǵa bolatynyn eskertedi», delingen habarlamada.
Qazirgi ýaqytta 116 avtokólik quraly ustalyp, ýaqytsha saqtaý qoımalaryna ornalastyrylǵan.
«Siz satyp alǵaly jatqan avtokóligińizdiń shyǵý tegi nemese zańdylyǵy kúdik týǵyzatyn bolsa, onda Qazaqstanda kedendik tazartýdan ótkeni jáne tıesili kedendik alymdar men salyqtar tólegeni týraly aqparatty memlekettik kirister organdarynan bilýge bolady. Ol úshin turǵylyqty jerdegi Memlekettik kirister departamentine, sonymen qatar QR QM MKK baılanys ortalyǵyna habarlasýǵa bolady», dedi MKK ókilderi.
