«Qazir elimizde koronavırýsqa qarsy 1,5 mln doza vaksına bar. Onyń ishinde QazVac vaksınasy 180 myńǵa jýyq doza, Sinopharm 1,2 mln astam jáne 55 myńǵa jýyq Pfizer vaksınasy tur. Búginde vaksınasııa jáne revaksınasııa aıasynda QazVac pen Sinopharm egilip jatyr. Al, Pfizer vaksınasy buǵan deıin birinshi komponentti alǵan azamattarǵa salynady. Olarǵa jasóspirimder, júkti jáne emizýli balasy bar áıelder jatady», dedi Aıjan Esmaǵambetova ortalyq kommýnıkasııalar qyzmeti alańynda ótken brıfıngte.
Sondaı-aq vıse-mınıstr Pfizer vaksınasynyń qosymsha dozasy satyp alynatynyn habarlady.
«Búginde 300 myń doza Pfizer vaksınasyn satyp alýǵa ótinish berildi. Qazir atalǵan kompanııamen kelisim júrip jatyr. Atalǵan vaksına ádettegideı jasóspirimder, júkti jáne emizýli balasy bar áıelderge egiledi. Basqa sanattaǵy azamattar QazVac jáne Sinopharm vaksınasyn saldyra alady», dedi ol.
