Qarjy mınıstrliginiń Memlekettik kirister komıteti basqarma basshysynyń orynbasary Aınur Sartaevanyń habarlaýynsha, Eýrazııalyq ekonomıkalyq odaqtyń keden aýmaǵyna basqa elderden (ıaǵnı EAEO quramyna kirmeıtin memleketterden) ýaqytsha ákelingen kólik quraldary sheteldik taýarlar bolyp sanalady jáne kedendik baqylaýda bolady. Sondyqtan mundaı kólikterdi Qazaqstan aýmaǵynda paıdalaný úshin aldymen keden jaǵynan tekserip, alymdar men salyqtardy tólegennen keıin ǵana qoldanýǵa ruqsat beriledi. «Sheteldik azamattar «ózimiz paıdalanamyz» dep syrttan kólik kirgizgenimen ony qazaqstandyqtarǵa satý maqsatynda tasymaldaıtyny baıqalýda. О́ıtkeni olar kólik quralyn ákelgennen keıin biraz ýaqyttan keıin ózderi Qazaqstan aýmaǵynan ketip qalady, al kóligi kedendik tazartýdan ótpesten elimizde qalady. Al zań boıynsha ýaqytsha ákelý merzimi aıaqtalǵannan keıin (buǵan bir jyl ýaqyt beriledi) avtokólik quraldary EAEO aýmaǵynan shyǵyp ketýi qajet. Eger shyǵyp ketpese, EAEO-tyń qoldanystaǵy zańnamasyna sáıkes tıisti sharalar qoldanylady», deıdi A.Sartaeva.
Komıtet polısııa departamentterimen birlese otyryp, arnaıy reıdtik sharalar júrgizgen. Osylaısha, ýaqytsha júrý merzimi aıaqtalǵan 116 avtokólik quralyn anyqtaǵan. Bul avtokólikter qazirgi tańda ýaqytsha saqtaý qoımalaryna ornalastyrylǵan. Bul baǵyttaǵy jumystardy ári qaraı jalǵastyramyz, deıdi mamandar.
Memlekettik kirister komıteti Qazaqstan azamattarynan jeke paıdalanýǵa arnalǵan avtokólikti satyp alarda abaı bolyp, elimizdiń zańnamasyn saqtaýǵa shaqyrady. «Eger satyp alǵaly jatqan avtokóligińizdiń shyǵý tegi nemese zańdylyǵy kúdik týǵyzar bolsa, onda Qazaqstanda kedendik tazartýdan ótkeni jáne tıesili kedendik alymdar men salyqtar tólegeni týraly aqparatty memlekettik kirister organdarynan bilýge bolady. Ol úshin Komıtetke (tel: 8 7172 71 77 24) nemese turǵylyqty mekenjaı boıynsha Memlekettik kirister departamentine jáne QM MKK baılanys ortalyǵyna habarlasýǵa bolady», deıdi A.Sartaeva.
