Olardyń ishinde О́zbekstan men Tájikstannyń 3 azamaty bar. Sheteldikterdiń zańsyz áreketterinen soń ákimshilik hattama toltyrylyp, avtokólikter turaqqa qoıylǵan.
Aıta ketý kerek, qazir Nur-Sultanda «Qaýipsiz jol» aılyǵy ótip jatyr. Shara bastalǵaly 3 myńǵa jýyq jol erejesin buzý faktisi anyqtalypty. Onyń 39-yn qoǵamdyq kólik júrgizýshileri jasaǵan.
«Qaýipsizdik beldigin taqpaǵany úshin 500-den astam júrgizýshi, manevr jasaý erejesin buzǵany úshin 100-den astam, baǵdarshamnyń tyıym salynǵan sıgnalyna ótkeni úshin 168 jáne qarsy jolaqqa shyqqany úshin 22 júrgizýshige aıyppul salyndy. Sondaı-aq beınebaqylaý kameralary jol erejesin óreskel buzý faktisin tirkedi. Júrgizýshige qatysty QR ÁQBtK-niń 593-babynyń 3-bóligi boıynsha ákimshilik is qozǵaldy, materıaldar sotqa joldandy», dedi qalalyq PD resmı ókili Elmıra Sháýlenova.
