Oblystyq TJ departamentiniń baspasóz qyzmeti habarlaǵandaı, oqıǵa 28 shilde kúni Báıterek aýdany Jaıyq aýylynda «Saya» demalys bazasynda bolǵan.
«Saǵat 19.30-da bes jasar balanyń joǵalyp ketkeni týraly habar túsken. Izdestirý jumystaryna jedel qutqarý jasaǵynan 4 adam (1 júzý quraly) tartyldy. Saǵat 19.40-ta kýágerler balanyń denesin sýdan shyǵaryp aldy. 2017 jylǵy ul bala shomylý úshin jabdyqtalǵan jaǵajaıda ata-anasymen, týystarymen birge bolǵan. Anyqtalǵanyndaı, bala sýǵa úrlemeli sheńbermen kirgen. Ata-anasy men týystary sol kezde jaǵadan 50 metr jerdegi jazǵy kafede bolǵan. Balanyń joǵalǵanyn baıqaǵan ata-ana izdestirýdi bastaǵan. Qutqarýshylardyń biri balanyń máıitin tapty», dep habarlady vedomstvodan.
