Kúre joldyń 35 shaqyrymynda asfalt tóseldi. Jaqyn arada jol tańbalary syzylady. Jol-qurylys jumystaryn otandyq merdiger uıymdar júrgizýde.
Kúrdeli jóndeý nysanynda qurylys-montajdaý jumystary úshin barlyq qajet resýrs qarastyryldy. Osylaısha, 140-tan astam arnaıy tehnıka men 200-den astam jol jumysshysy jumyldyryldy. Jumystar táýlik boıy jáne kestege sáıkes júrgizilip jatyr. Jumys qarqynyn arttyrý úshin merdiger uıymdar eki asfaltbeton zaýytyn (ABZ) iske qosty. Jol-qurylys materıaldarynyń bir bóligi kórshiles Aqtóbe jáne Mańǵystaý oblystarynan tasymaldanady.
Atalǵan respýblıkalyq trassanyń jalpy uzyndyǵy 103 shaqyrymdy quraıdy. Kúre jol 2 ýchaskeden turady. Joldy qoldanysqa berý 2023 jyldyń sońyna josparlanyp otyr.
Eske salaıyq, bul jol qurylysy uzaqqa sozylǵan kúre joldardyń qatarynda bolatyn. Alaıda bıyl jol-qurylys jumystary qaıta jandanyp, qarqyndy júrýde.
