Qoǵam • 29 Shilde, 2022

Bala bir jasqa tolǵansha tólenetin járdemaqy 1,5 jylǵa uzarýy múmkin

480 ret

kórsetildi

1 mın

oqý úshin

Aldaǵy ýaqytta bala kútimimen aınalysatyn qazaqstandyqtar memlekettik járdemaqyny 1 jyl emes, 1,5 jyl boıy alýy múmkin. Bul týraly OKQ-da ótken brıfıng kezinde memlekettik áleýmettik saqtandyrý qory AQ bas dırektory Nursulý Kemel málimdedi, dep habarlaıdy Egemen.kz.

Gaýhar QAPASh

Bala bir jasqa tolǵansha tólenetin járdemaqy 1,5 jylǵa uzarýy múmkin

«Biz áleýmettik kodeks aıasynda bala kútimine beriletin memlekettik járdemaqy merzimin 1 jyldan 1,5 jylǵa uzartýdy usynyp otyrmyz. Qordyń qyzmeti áleýmettik járdemaqyny tóleýmen ǵana shektelmeıdi. Biz jalpy júıeniń, onyń ishinde qarjy turaqtylyǵyn saqtaýǵa jaýaptymyz. Jalpy áleýmettik mindet - uzaqmerzimdi sharýa. Degenmen dál qazir bala kútimine baılanysty járdemaqyny taǵaıyndaý merzimin uzartýǵa qatysty naqty eshteńe aıta almaımyn», dedi Nursulý Kemel.

Onyń aıtýynsha, qazir atalǵan másele talqylanyp jatyr. Qorytyndy sheshim kópshilikke jarııalanady.

«Sonymen qatar asyraýshysynan jáne eńbek qabiletinen aıyrylǵan jaǵdaıda beriletin járdemaqynyń da mańyzy zor. Búginde atalǵan járdemaqy túrin 160 myńnan astam adam alyp otyr», dedi ol.

Aıta keteıik, qazir elimizde 1 jasqa deıingi bala kútimine arnalǵan tólemniń ortasha mólsheri - 41 myń teńge.