«2018 jyly óńirde áýejaılardyń ınfraqurylymyn jańǵyrtý jumystary bastalǵan. Búginde О́skemen men Semeıdegi áýejaıdy qaıta jańǵyrtý jumystary máresine jetti. Jaqynda Úrjar aýdanyndaǵy áýejaıdyń ushý-qoný jolaǵyn rekonstrýksııalaý jumystary aıaqtaldy», dedi ol.
Aıjan Rahymbaevanyń aıtýynsha, qazir áýe aılaǵynyń ushýǵa jaramdylyq sertıfıkatyn alý úshin tıisti sharalar atqarylyp jatyr. Alynǵan soń áýe reısteri birden qaıta jandanbaq. Demek, turǵyndar Alakólge ushaqpen qatynaı alatyn bolady.
«Qatonqaraǵaı aýdanynda áýejaı qurylysyn júrgizý josparlanyp otyr. Biraq onyń naqty ýaqyty ázirge belgisiz. Sondaı-aq 2024 jylǵa qaraı Zaısan áýejaıyn rekonstrýksııalaý jumystary bastalady», dedi basqarma basshysynyń orynbasary.
