Departament málimetinshe, qoǵamdyq kóliktiń júrgizýshisi jalǵan júrgizýshi kýáligimen ustalǵan. Belgili bolǵandaı er adam 2021 jyly kólik quralyn basqarý quqyǵynan aıyrylǵan.
«Alaıda S. esimdi azamat jalǵan júrgizýshi kýáligin jasap, zańdy aınalyp ótpekshi boldy. Quqyq buzýshy № 85-baǵyttaǵy qoǵamdyq kólikti basqaryp kele jatyp, avtovokzal mańyndaǵy aıaldamada ustaldy. Onyń jeke basyn tekserý kezinde jalǵan qujat paıdalanǵany anyqtaldy, sonymen qatar oǵan jolaýshylardy tasymaldaýǵa múmkindik beretin sanattar sheberligi qosylǵan. Kólikti toqtatqan sátte ishinde 40-tan astam jolaýshy boldy. Aýdandyq Polısııa basqarmasynda jalǵan qujat jasaý deregi boıynsha sotqa deıingi tergeý bastaldy», dedi Almaty qalalyq PD Ákimshilik polısııa basqarmasy bastyǵynyń orynbasary Dáýlet Seıitqulov.
Polısııa ókiliniń aıtýynsha, júrgizýshige jáne onyń qujattaryn durys qadaǵalamaǵan avtopark basshylyǵyna qatysty ákimshilik shara qoldanyldy. Qoǵamdyq kólik mamandandyrylǵan aıyppul turaǵyna qoıyldy.
