Ekonomıka • 08 Tamyz, 2022

Konsorsıým múmkindigi taǵy tómendedi

287 ret kórsetildi

Biraz ýaqyt tynyshtalǵandaı kóringen KTK qaýpi qaıta bas kóterdi. KTK dep otyrǵanymyz – munaı eksporttaýdaǵy bizdiń basty marshrýtymyz bolyp sanalatyn Kaspıı qubyr konsorsıýmy. Bul qubyr jyl basynan beri birneshe ret isten shyqty. Birinde – daýyl, birinde – mına izdeý, al birinde jóndeý jumystary sebep bolǵanymen, sarapshylar sonyń bárinde saıası múdde basym ekenin aıtady. Konsorsıýmnyń munaı tıeý múmkindigi taǵy tómendedi.

Bul joly Qashaǵandaǵy óndiristiń toqtaýyna jáne Teńiz ken ornyndaǵy jóndeý jumystaryna baılanysty Teńiz-Novorossıısk qubyr jelisi boıynsha munaı aıdaý kólemi tómendegen.

«Qazaqstandaǵy Teńiz ken ornyndaǵy jóndeý jumystaryna baılanysty KTK qubyr jelisi júıesiniń bas ýchaskesindegi («Teńiz» munaı aıdaý stansasy) jóndeý ju­mystaryna baılanysty ken ornynan munaı qabyldaý tómendetilgen rejimde júzege asyrylyp jatyr. Son­daı-aq Qashaǵan ken ornyndaǵy munaı óndirisiniń tómendeýine baılanysty  KTK qubyr jelisi júıesine munaı qabyldaý kólemi azaıdy. Bul faktorlar Teńiz-Novorossıısk qubyr júıesi arqyly aıdalatyn munaıdyń jalpy kóleminiń aıtarlyqtaı tómendeýine ákeldi», delingen KTK-niń resmı habarlamasynda.

Teńiz ken ornyndaǵy jóndeý ju­mystary 1 tamyzda bastalǵan jáne

1 qyrkúıekke deıin jalǵasady. Sol sebepti táýliktik óndiris ádettegi 81 myń tonnadan 65,7 myń tonnaǵa tómendegen. Sonda 32 kúnde 480 myń tonna munaı tıel­meı qalady.

Sarapshylardyń aıtýyna qaraǵanda, Qashaǵan ken ornynyń «Bolashaq» zaýytynda qurylǵylardyń birinen jaryq tabylyp, bul óndiristiń tómendeýine ákelip soqqan. Negizi Qashaǵannyń táýliktik óndirisi 400 myń barreldi quraıdy. Telegramdaǵy Energy Monitor sarapshylarynyń paıymdaýynsha, bul – ájeptáýir kólem. «Mysaly, eki kún buryn ǵana OPEK+ qyrkúıekte munaı óndirisin táýligine 100 myń barrelge ulǵaıtý týraly sheshim qabyldady. Bul Qashaǵannyń óndirisinen 4 ese tómen», dep jazady olar.

Qashaǵan ken ornynyń operatory bolǵan jaǵdaıǵa oraı pikir bildirgen.

«NCOC kompanııasy, Soltústik-Kaspıı jobasy (quramyna Qashaǵan, Qaıran jáne Aqtoty deıtin úsh ken orny kiredi – red.) operatory 2022 jyldyń 3 tamyzynda óndiris ornynda gazdyń shyǵyp ketý belgileriniń anyqtalýyna baılanys­ty «Bolashaq» kesheniniń munaı-gaz óńdeý zaýytyn qaýipsiz toqtatý júrgizilgenin rastaıdy. Standartty tártipke sáıkes, óndiris oryndarynda gaz datchıkteri iske qosylǵannan keıin alaý júıesiniń qysymy joıyldy. Atalǵan oqıǵa adamdardyń densaýlyǵyna zııan keltirmedi. Batys Eskenedegi aýa sapasyn baqylaý stansalary lastaýshy zattardyń shekti ruqsat etilgen konsentrasııasynan aspaǵanyn tirkedi», delingen NCOC («Nort Kaspıan Opereıtıng Kompanı N.V.») baspasóz qyzmetiniń habarlamasynda.

Energy Monitor deregi boıynsha bıyl

1 tamyzdan beri Qazaqstanda munaı óndirisi táýligine 13-15 myń tonnaǵa azaıǵan. KTK boıynsha munaı aıdaý jumystary aldaǵy bir jarym aı kóleminde de rettelmeıtin sekildi. О́ıtkeni qyrkúıektiń 12-sinen bastap qazannyń 6-syna deıingi aralyqta tolyqtaı kúrdeli jóndeýden ótkizilýine baılanysty Qarashyǵanaq ken orny da óndiristi toqtatpaq.

KTK táýekeli munymen de bitpeıtin sııaqty. «Teńizshevroıl» JShS-nyń 25 paıyzyna ıelik etetin amerıkalyq ExxonMobil kompanııasy keleshekte Reseıge taǵy salynýy múmkin sanksııadan qaýip qylyp otyrǵan kórinedi.

«Ýkraınadaǵy áskerı operasııalarǵa baılanysty qoldanystaǵy sanksııalardy keńeıtý, Reseı Federasııasynyń qarsy sharalardy qoldanýy nemese basqa tikeleı nemese janama áserlerdiń týyndaýy jaǵ­daıynda KTK qubyr jelisi boıynsha Qazaqstannan munaı tasymaldaý úzilip qalýy, qysqarýy nemese ýaqytsha shek­telip qalýy yqtımal. Ondaı jaǵdaıda kor­porasııa shyǵynǵa batady», delingen kom­panııanyń AQSh bırjasy men qundy qaǵaz­dary boıynsha komıssııaǵa arnalǵan esebinde.

Onda 2022 jyldyń birinshi jartysynda Qazaqstanda ornalasqan aktıvteri korporasııaǵa 1,5 mlrd dollar kóleminde tabys ákelgeni aıtylady. Bul boıynsha táýliktik óndiris kólemi shamamen 250 myń munaı ekvıvalentiniń barrelin quraǵan. Aıta keteıik, ExxonMobil Qazaqstandaǵy Teńiz jáne Korolev ken oryndarynyń jumysyn basqaratyn «Teńizshevroıl» JShS-nyń 25 paıyz aksııasyna, sonymen birge Qashaǵan ken ornynyń 16,8 paıyz aksııasyna ıe.

Qarjy sarapshysy Andreı Chebo­tarevtiń aıtýynsha, eger jahanǵa áıgili ExxonMobil-dyń ózi yqtımal táýekeldi oılap tartynyp tursa, demek KTK-niń keleshegi bulyńǵyr degen sóz. Jaqyn bolashaqta Batys elderi KTK munaıynan bas tartýy múmkin, ekinshi múmkin nusqa – KTK-ni Reseıdiń ózi isten shyǵarady. Soǵys qanshalyqty uzaqqa sozylǵan saıy­n táýekel de soǵurlym arta túsedi deıdi sarapshylar.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar