Hattamaǵa sáıkes taraptar yntymaqtastyqty kelesi salalarda júzege asyrady:
Barlaý áskerı aqparatymen jáne ózekti taqyryptar boıynsha saraptamalyq baǵalaýlarmen ózara almasý;
Taraptar memleketteriniń qaýipsizdigine qater tóndiretin óńirdegi (memlekettegi) áskerı-saıası jaǵdaıdyń damý monıtorıngi;
Taraptar memleketteriniń qaýipsizdigine qater tóndiretin halyqaralyq terrorıstik jáne basqa da uıymdarǵa qatysty ózara aqparat almasý.
Barlaý áskerı aqparatymen almasý áskerı personaldyń kezdesýlerinde jáne dıplomatııalyq arnalar arqyly júzege asyrylady.
Almasýǵa jatatyn kez kelgen barlaý áskerı aqparaty jazbasha nysanda jiberiledi dep kózdeledi. Aqparatqa baılanysty CD, DVD, fılmder, fotosýretter, slaıdtar, elektrondyq qujattar jáne t.b. qujatqa qosa beriledi.
Bul rette taraptardyń biri memleketiniń ulttyq egemendigine jáne qaýipsizdigine qater tóngen nemese onyń ulttyq/halyqaralyq múddelerine qaıshy kelgen jaǵdaılarda barlaý áskerı aqparatyn berýden bas tartylýy múmkin.
Qaýly qol qoıylǵan kúninen bastap qoldanysqa engiziledi.
