Jedel shtabtyń kezekti otyrysy ótti. Oǵan Qostanaı oblysy ákiminiń birinshi orynbasary Gaýez Nurmuhambetov qatysqan.
Jedel shtabtyń saǵat 16.00-de taratqan aqparaty boıynsha, qyz áli tabylǵan joq.
«Saǵat 16.00-degi izdeý aımaǵy Jambyl aýyly - Tobyl ózeni, Altyn dala aýyly, Qostanaı qalasy, Samır aýyly. Izdestirý tórt baǵytta júrip jatyr. Shtab otyrysynda egistikke azyq-túlik pen sý qaldyryp, olarǵa áýe sharlaryn baılaý uıǵarylǵany aıtyldy. Bul izdeý júıeleri úshin sıgnal beretin nusqa bolady. Ár óriste osy prosesti baqylaıtyn baqylaýshylar bar. Áýeden baqylaý jalǵasyp jatyr», delingen habarlamada.
Vedomstvo málimetinshe, keshki altydan keıin balany izdeýge kómekke kelgen Rýdnyı deltaklýbynyń nusqaýshylary alańdardy josparlaıdy.
