Teatr • 09 Tamyz, 2022

Elordaǵa Túrkistan teatry keledi

107 ret kórsetildi

Aldaǵy 27-28 tamyzda Túrkistan mýzykalyq drama teatrynyń ártisteri bas qalaǵa gastroldik saparmen kelip, «Astana Operanyń» Úlken zalynda elorda turǵyndary men qonaqtaryna Qazaqstannyń eńbek sińirgen qaıratkeri, jazýshy-dramatýrg Ermek Amanshaevtyń lıbrettosy jelisimen qoıylǵan «Qorqyt týraly ańyz» plastıkalyq spektaklin usynady.

Jalpy, atalǵan qos óner ujymy arasynda dostyq ári shyǵarmashy­lyq baılanys qalyptasqanyn baı­qaımyz. О́ıtkeni «Astana Opera» teatry bıylǵy maýsymda alǵash ret Túrkistanda gastroldik saparmen bo­lyp, mýzykalyq drama teatrdyń sah­nasynda XX ǵasyr jaýhary – N.A.Rımskıı-Korsakovtyń mýzykasyna qoıylǵan aıtýly horeograf M.Fokınniń «Sheherazada» baletin jáne balet trýppasynyń kórkemdik jetekshisi, Reseıdiń halyq ártisi Al­tynaı Asylmuratovanyń avtorlyq gala-baǵdarlamasyn kórsetti.

«Mine, endi araǵa eki aı salyp biz­diń teatrymyzda Túrkistan teatry ártisteriniń óner kórsetetinine qýa­nyp otyrmyz. Áriptesterimizdiń óne­rin elordalyq jurtshylyq joǵa­ry baǵalaıtynyna senimdimin, – deı­di «Astana Opera» dırektory, Qazaq­stannyń eńbek sińirgen qaıratkeri Ǵalym Ahmedıarov.

Túrkistan mýzykalyq drama teatry­nyń qurylǵanyna kóp ýaqyt bolmasa da, az merzim ishinde atalǵan óner ujy­my mazmundy qoıylymdarymen kó­rermen yqylasyna ıe boldy.

– Bul Nur-Sultanǵa ekinshi gastrol­dik saparymyz, oǵan deıin biz Q.Qýanyshbaev atyndaǵy memlekettik akademııalyq qazaq mýzykalyq drama teatrynda elordalyqtarǵa jazýshy Dýlat Isabekovtiń «Bórte» tarıhı dramasyn qoıdyq. Endi «Astana Operanyń» tamasha sahnasynda óner kórsetý biz úshin úlken mártebe. Barsha kórermendi 27-28 tamyzda zamanaýı bı men operany biriktirgen «Qorqyt týraly ańyz» plastıkalyq spektaklin­de jas teatrdyń ónerin baǵalaýǵa sha­qyramyz, – deıdi Túrkistan mýzy­kalyq drama teatrynyń dırektory ári kórkemdik jetekshisi Aınur Kópbasarova.

Belgili dramatýrgtiń «Qorqyt týraly ańyz» spektaklinde aty ańyzǵa aınalǵan alyp tulǵanyń ómiri týraly aıtylady. Qorqyt ata qara aǵashtan oıyp qobyz jasap, aınalasyn kıeli aspap únimen áldılegisi keledi. Alaıda qobyzshynyń ómiri túrli qıyndyqqa kez bolyp, birde kórgen túsinen shoshyp, ólimnen qashady. Jeruıyq meken izdeıdi. Aqyry neshe túrli qıyn joldan ótip, týǵan jerine oralady. Qysqasy, qoıylymda izgilik pen jasampazdyq nuryn shashqan Qorqyt pen jer betin arazdyq alańyna aınaldyrǵysy kelgen sıqyrshy Martýdyń arasyndaǵy máńgilik qaqtyǵys zamanaýı horeografııa tilimen áserli beınelenedi.

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar