Aımaqtar • 09 Tamyz, 2022

Biriktire basqarýǵa betburys

1564 ret kórsetildi

Búgingi dáýirdi sıfrlandyrýsyz elestetý múmkin emes. Otandyq ekonomıkanyń barlyq salasy sıfrlandyrý tehnologııasyna bet burdy. Mundaı jańa tehnologııa energetıka salasyna da aýadaı qajet.

Máselen, elimizde alǵashqy­lardyń qatarynda qurylyp, álem­degi balamasy joq «Teńiz» ken ornyn ıgerip jatqan «Teńiz­shevroıl» JShS sıfrlandyrýdy óndiriske keńinen engizýdi qolǵa alǵan. Osy maqsatta aqparat­tyq tehnologııamen aınalysatyn qazaqstandyq kompanııalarmen yntymaqtastyq ornatýǵa betburys jasady. О́ıtkeni Energetıka mı­nıstriniń orynbasary Janat Jahmetovanyń pikirinshe, Úkimet tarapynan energetıka salasyn sıfrlandyrýǵa, qazaqstandyq qam­týdy damytýǵa erekshe nazar aýdarylyp otyr. Ásirese «Te­ńiz­shevroıl» sekildi energetıka salasyndaǵy kóshbasshy kompanııalar sıfrlandyrýǵa den qoısa, bul otandyq aqparattyq tehnologııa mamandary jumysynyń jan­danýyna serpin beredi. Sóı­tip, aqparattyq tehnologııa men jer qoı­naýyn paıdalanýshy kom­pa­nııalar arasyndaǵy ynty­maq­tas­tyq jańa deńgeıge kóteriledi.

Qazir «Teńizshevroıl» kompa­nııasynyń mamandary «Teńiz» ken ornynda ınnovasııalyq tehnologııalardy óndiriste qoldana bastady. Máselen, «Teńizshevroıldyń» barlyq avtokólik parki kólik qaýip­sizdigi ıntellektýaldy jú­ıe­simen qamtylyp otyr. Bul dy­bystyq sıgnal berý arqyly júr­gizýshiniń sharshaý deńgeıin baqylaýǵa múmkindik beredi. Osy­laısha, ıntellektýaldy júıe jazataıym oqıǵalardy azaıtýǵa, kólikke mingen qyzmetkerlerdiń qaýipsizdigin qamtamasyz etýge yqpal etedi.

«Teńizshevroıl» JShS-nyń bas dırektory Kevın Laıonnyń deregine súıensek, «Teńiz» ken or­nynda biriktirilgen óndi­ris­ti basqarý ortalyǵy iske qosyl­dy. Jańa ortalyqta sońǵy úlgi­degi sıfrly tehnologııalar orna­tylǵan. Muny Qazaqstannyń munaı-gaz ónerkásibindegi biregeı nysan deýge bolady.

– Biriktirilgen basqarý orta­lyǵy «Teńizshevroıldyń» barlyq óndiristik nysany men zaýytyn bir ortalyqtan basqarýǵa, biryńǵaı operatıvtik modelge biriktirýge múm­kindik berip otyr. Bul nysandy paıdalaný kásiporynǵa óndiristi qaýipsiz ári úzdiksiz júrgizýge, qyz­metkerlerimiz ben ózimiz eńbek ete­tin óńirdegi qoǵamdastyqtyń ıgiligi úshin qosymsha paıda ákelýge kómektesedi, – deıdi Kevın Laıon.

Kompanııa basshylary jańa orta­lyqty ken ornyndaǵy óndi­ristik nysandardan 20 shaqyrym qashyq­tyqta ornalastyrdy. Mun­daı qadam biriktirilgen bas­qarý ortalyǵynyń qaýipsiz jumy­syn úılestirý úshin jasalǵan. Jańa ortalyqta «Teńiz» ken orny­nyń operatorlaryna eń ­ut­­qyr sheshimder qabyldap, senim­di­likti arttyrýǵa, óndiristik kórset­kish­terdi ońtaılandyrý úshin ıkemdi tásilderdi qoldanýǵa kómektese­tin dıspetcherlik pýlt bar. Onyń jalpy aýmaǵy 2 200 sharshy metr­di quraıdy.

– Bizdiń kompanııa qurylǵan kezden beri jańa nysandardyń qurylysyna qomaqty ınvestısııa salyp, óndiriske sońǵy úlgidegi tehnologııalardy keńinen engizip keledi. Biz Qazaqstan ekonomıkasyna eleýli úles qosýdy jalǵastyra beremiz. Máselen, 1993 jyldan beri el bıýdjetine 164 mlrd dollardan astam tikeleı qarjylyq tólemder jasady. Onyń 42 mlrd-tan astam dollary jergilikti ta­ýarlar men qyzmetterdi satyp alý­ǵa jumsaldy, – deıdi bas dırektor K.Laıon.

Bas dırektordyń orynbasary Kóńilqosh Súıesinovtiń aıtýynsha, biriktirilgen óndiristi basqarý ortalyǵynyń nysan qurylysyn júrgizip iske qosýǵa 30-dan astam qa­zaqstandyq kompanııa tartylǵan. Onda 600-den astam jergilikti qyzmetker jumys isteıdi. Nysan­dy paıdalanýǵa berý jergilikti qyzmetkerlerdiń kásibı biligi men daǵdysyn jetildirýge yqpal etken. «Teńiz» ken ornyndaǵy keshendi tehnologııalar jelisinde vırtýaldy zaýyt (Virtual Plant) kómegimen naqty ýaqyt rejiminde baqylaý-ólsheý jabdyqtarynyń derekteri biriktirildi. Osyndaı sıfrly tehnologııalardy qoldanýdyń yqpaly suıytylǵan kómirsýtekti gaz óndirisin ulǵaıtýǵa, ORES+ shekteýleriniń ornyn toltyrýǵa tıip otyr. Sonymen qatar óndiriste kezdesetin túrli qıyndyqty múmkindikke aınaldyrýǵa, sıfrly sheshimder arqyly qundylyqty qurý tizbegin ońtaılandyrý men ózgeristerge sáıkes jyldam áreket etýge jol ashqan.

– Qazaqstandyq qamtýdy art­tyrý – «Teńizshevroıl» kompa­nııasynyń basym baǵyttary­nyń biri. Biz úshin otandyq kom­pa­nııa­larmen birge jumys isteý, olardyń damýyna yqpal etý­diń mańyzy zor. Sol sebepten, aq­parattyq tehnologııa maman­darynyń úlesin barynsha art­tyrýdy kózdep otyrmyz. Osy maqsatta bıyl «Sıfrly Teńizshevroıl-2022» ataýymen hakaton is-sharasyn ótkizdik. Hakatonǵa elimizdiń ár óńirinen 30-ǵa jýyq komanda qatysty. Be­rilgen tapsyrmalardyń ońtaıly she­shimin usynǵan komandalar «Teńiz­shevroılmen» kelisimshart­qa otyrý múmkindigine ıe boldy. Koman­dalardyń ońtaıly sheshimi ǵana emes, sonymen qatar jalpy daıar­lyǵy men quzyretti­ligi­niń deńgeıi baǵalandy, – ­deı­di kompanııanyń sıfrlandyrý jó­nindegi keńesshisi Ázıdolla Qısmetov.

 

Atyraý oblysy

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar