Konkýrstyń maqsattary men mindetteri:
- óner týyndylary arqyly patrıotızm men ulttyq mádenıetke degen súıispenshilikti qalyptastyrý;
- jas ereksheligine saı jańa mýzykalyq shyǵarmalardyń jazylýyna jol ashý;
- otandyq avtorlardy qoldaý;
- balabaqsha jáne mektep jasyndaǵy balalardyń repertýaryn tolyqtyrý;
- Otanǵa qyzmet etýge, joǵary patrıottyq nıetterge oń kózqaras qalyptastyrý.
Konkýrs 2022 jyldyń 25 shilde men 15 qazan aralyǵynda ótkiziledi.
Shyǵarmalar erkin taqyrypta (otansúıgishtik, ata-anaǵa degen mahabbat, eldi qorǵaý, tabıǵat jaıynda jáne t.b.) jazylady. Konkýrs shyǵarmalardyń túri boıynsha kelesi eki nomınasııalarǵa bólinedi:
- Balalarǵa arnalǵan ánder. Balabaqsha jáne mektep jasyndaǵy balalardyń ánderi.
- Balalar poezııasy. Erkin taqyryptaǵy taqpaq, óleń, jyr týyndylary
Aıta keteıik, konkýrsqa qatysý úshin buryn kópshilik aldynda oryndalmaǵan, jarııalanbaǵan jáne basqa konkýrstarǵa qatyspaǵan týyndylar usynylady.
Konkýrsqa qatysý úshin qatysýshylar ótinimmen birge mynadaı qujattar men materıaldardy qosa bere otyryp, 2022 jylǵy 25 shildeden bastap 15 qazanǵa deıin osy Qaǵıdalarǵa 1-qosymshaǵa sáıkes nysan boıynsha ótinimder jiberedi:
- PDF formatynda jeke kýáligi qujatynyń kóshirmesi;
- shyǵarmashylyq ómirbaıany;
- Konkýrska qatysýshynyń 13h18 santımetr ólshemindegi túrli-tústi fotosýreti (JPEG formatynda);
- týyndynyń MR3 formatyndaǵy aýdıojazbasy;
- Eki nomınasııaǵa da Word qujatyndaǵy týyndynyń mátini (qarip – Times New Roman, mólsheri №14, jolaralyq ınterval – bir joldyq);
- Ánder nomınasııasyna partıtýra jáne klavır («Finale» nemese «Sibelius» notalyq redaktorlar nemese JPEG nemese PDF formatyndaǵy basqa notalyq redaktorlar formatynda).
- Qazaqstan Respýblıkasynyń ekinshi deńgeıdegi bankte jeke shotynyń bolýy týraly anyqtama.
О́tinimder myna elektrondy poshtaǵa jiberiledi: zhas.oren@gmail.com. Anyqtama telefondary: 87751459053
