Qytaı Halyq azattyq armııasynyń Shyǵystaǵy qolbasshylyǵy Taıvan mańyndaǵy teńiz jáne áýe jattyǵýlarynyń resmı túrde aıaqtalǵanyn habarlady.
Buǵan deıin Qytaı Syrtqy ister mınıstrligi «Taıvan Qytaı terrıtorııasynyń bir bóligi, al Beıjiń «óz sýlarynda josparly áskerı jattyǵýlar ótkizip jatyr», dep málimdegen.
Qytaı jattyǵýdy AQSh О́kilder palatasynyń spıkeri Nensı Pelosıdiń Taıvanǵa saparyna jaýap retinde bastady. Áýe jáne teńiz aımaǵyndaǵy manevrler bastapqyda ótken jeksenbige deıin tórt kún boıy júrgiziledi dep josparlanǵan.
Jattyǵý kezinde qytaılyq ushaqtar kún saıyn Taıvan buǵazynyń ortańǵy syzyǵyn kesip ótti.
Aıta keteıik, bul shekara - eki jaqtyń kezdeısoq qaqtyǵystarynyń aldyn alýǵa kómektesetin beıresmı shekara.
