Medısına • 11 Tamyz, 2022

Koreı medısınasymen baılanys keńeıdi

142 ret kórsetildi

Álemde medısına salasynda koreı halqynyń bási joǵary. Sondyqtan qazaqstandyq dárigerler koreılik áriptesterimen ózara tájirıbe almasyp turady. Jaqynda Je­tisýǵa bilikti mamandardyń bir bóligi keldi. Taldyqorǵan qalalyq kópsalaly aýrýhanasynda Ońtústik Koreıa Respýblıkasyndaǵy áıgili Chýnan ýnıversıteti «HENDE» aýrý­hanasynyń mamandary halyqqa kómek kórsetti.

Medısına salasy boıynsha álemniń aldyńǵy qatarynan tabylatyn ońtústikkoreıalyqtar 4 kún boıy emdelýshilerdi qabyldap, tegin ota jasap, jan-jaqtyly em-dom kórsetip, syrqattyń saqaıýyna qolushyn berdi. Osyǵan oraı ótken konferensııada alǵashqy bolyp Taldyqorǵan kópsalaly aýrýhanasynyń bas dárigeri Jumahan Moldaqulov sóz aldy.

– Qalalyq aýrýhanaǵa álemniń ozyq elderi sanatyndaǵy medısına mamandarynyń tegin qyzmet kórsetetini, bizben ózara tájirıbe almasatyny úlken jetistik. Birneshe jylǵa jalǵasyp kele jatqan bul sabaqtastyq aıasynda bizdiń de mamandar Ońtústik Koreıa eline baryp, tegin qyzmet kórsetip, sheberligin shyńdap keledi, – dedi qonaqjaılyq kórsetken bas dáriger.

J.Moldaqulovtyń aıtýynsha, kóp jyl kóleminde ornaǵan bul sabaqtastyq laıyqty jemisin bergen. Jas mamandardyń biliktiligi artyp, sheberligi shyńdalǵan. Búgingi tańda Chýnan ýnıversıteti «HENDE» aýrýhanasynan Jetisý oblysynyń ortalyǵyna 40 erikti, 10-nan astam tájirıbeli maman, professorlar men doktorlar kelgen. Atalǵan meımandar ortopedııa, hırýrgııa, travmatologııa, neırohırýrgııa, nevrologııa jáne shuǵyl medısınalyq kómek boıynsha emdelýshilerge qyzmet kórsetetin bolady.

Jıyn barysynda Ońtústik Koreıa Respýblıkasy «HENDE» aýrýhanasynyń dırektory Kım Bý Sol sóz alyp, meımandos eldiń ystyq yqylasyna alǵysyn jaýdyrdy. Sonymen qatar Tań samaly elinen arnaıy kelgen bilikti mamandardy jekeleı tanystyryp ótti. Covid-19 vırýsy jáne álem elderiniń ahýaly jaıly slaıd kórsetip, tyń aqparlar, aýrýmen kúres joldary týraly naqtyly óz oıyn ortaǵa saldy.

О́z kezeginde Thonıl-Naným akademııasynyń dırektory Lı Dje Van sóz alyp, Qazaqstanda birneshe ret bolǵanyn, qazaq halqynyń qonaqjaılyǵyna rıza ekenin aıshyqtady. Sonymen qatar kóp jyldardan bergi ózindik tájirıbeleri jınaqtalǵan kitapty Taldyqorǵan kópsalaly aýrýhanasynyń bas dárigerine syıǵa tartty.

Jıynnan keıin Koreıa eliniń dárigerleri kezek kútip otyrǵan emdelýshilerdi qabyldaýdy bastap ketti. Tórt táýlik kóleminde kórsetiler kómekti kútken emdelýshilerdiń qatary da qalyń.

 

TALDYQORǴAN

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar