Ádebıet • 11 Tamyz, 2022

Jaýaby joq jumbaq taǵdyr

71 ret kórsetildi

Ár aqynnyń óz taǵdyry bar. Áıtse de, taǵdyr tartý etken talantymen tanylǵan aqyndardyń birazy nege ómirden erte ozady eken? 37 jasynda baqıǵa attanǵan áıgili Aleksandr Pýshkındi reseılik ádebıetshiler: «Ol Sergeı Esenın men Mıhaıl Lermontovqa qaraǵanda «aqsaqaldyq» jasqa jetti ǵoı» dep ázildeıdi eken. Osylaısha, olar Esenınniń 30, Lermontovtyń 26 jasynda baqılyq bolǵanyn tuspaldasa kerek. Esenınniń de, 29 jasynda teńizge batqan aǵylshyn Persı Shıllıdiń de taǵdyry tuńǵıyq tragedııa...

Álbette, joǵaryda biz sóz etken aqyndardyń barlyǵy da ádebıet áleminde óz ornyn qalyptastyryp ketken. Al jıyrmaǵa jetpeı óz otyna ózi janyp ketken talanttar qanshama?! Olardyń qatarynda qazaq aqyndary da barshylyq.

О́leń álemindegi órnegi bólek aqyn­dardyń biri – Saltanat Abasheva. Tabıǵat tamyrshysy atanyp ketken belgili aqyn Qýandyq Sholaqtyń qyzy Saltanat jıyrma jasqa jetpeı baqılyq boldy. О́mirin óleńmen órnektegen jas talanttyń jyrlarynan ókinish pen óksiktiń úni estiletindeı me, qalaı?

«Daýa bolmaı tirliktiń qurǵyr emi,

О́zegimdi ókinish tilgiledi.

Júrekke jol salsam dep

jas qalamym,

Qoldan sýsyp kete me, kim biledi?

Jaryq ta bir, men úshin mola da bir,

Nazy basym ne demes nala kóńil.

Ańdaýsyzda atylǵan oq sekildi,

Osynshama kelte me eń,

sholaq ómir?!

О́zimdi – ózim zerdelep uǵynǵansha,

Jalǵan, jalǵan, jalt berdiń

burylǵansha.

О́lmegenim sol meniń –

jurt kóńilinde

Jan-júrekti jalǵyz

jol jyrym qalsa»,

 dep jyrlaıdy on toǵyz jastaǵy aqyn.

Onyń janyn jegideı jegen nendeı muń? Nege ol «Osynshama kelte me eń, sholaq ómir?» dep jyrlady? Osy bir saýal kókeıimizdi tilgileı túsetini bar. Jıyrma jasqa jetpeı ómir men ólimniń mánin uǵyp qoıdy ma eken? Kim bilsin...

«Kókiregime qabyldap saıtan oǵyn,

Qurdymǵa aýyp qumyqty

aıtar ánim...

Daýa tappaı janyma daýyl kúngi,

Eskegi joq qaıyqtaı shaıqalamyn.

Tutamdanyp úmittiń

qulash jibi,

Qulaǵyma qaıǵynyń ulasty úni.

Jırendirip barady

shyndyǵy joq,

Ádiletsiz ómirdiń lastyǵy»,

dep keletin shýmaqtarynan Saltanattyń janyn áldebir qaıǵynyń jegideı jegenin sezingendeı bolamyz.

Iá, bala kúninen óleńniń tunyǵynan qanyp ishken Saltanattyń jyrlary rasynda da qýatty edi. Ony joǵarydaǵy shýmaqtardyń ózi de aıqyndap tur ǵoı. Bizdiń janymyzǵa batatyny – onyń fánımen erte qoshtasqany. Onyń taǵdyry – sheshilmegen jumbaq. Jaýaby joq jumbaqty eshkim sheshe almaıdy...

 

Jambyl oblysy

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar