Elorda • 12 Tamyz, 2022

Elordada Ortalyq Azııadaǵy eń úlken meshit ashyldy

153 ret kórsetildi

Búgin elordada Ortalyq Azııadaǵy eń úlken meshittiń ashylý saltanaty ótti. Is-sharaǵa QR Tuńǵysh Prezıdenti Nursultan Nazarbaev qatysty, dep habarlaıdy Egemen.kz.

Foto: Alena Býtenko

«Búgin qasıetti juma kúni elordamyzda eńseli meshit ashylyp otyr. Bul elordamyz Nur-Sultan qalasynyń bas meshiti dep atalady. Táýelsizdik dáýirinde bizdi qoldaǵan, elimizdi el qylýǵa jar bolǵan Alla Taǵalaǵa degen qurmetimizben men osy meshitti salýǵa nıet jasadym. Bul bas qalamyz ǵana emes, búkil elimiz, barlyq musylman qaýymy úshin mańyzdy oqıǵa»,  dedi Nursultan Nazarbaev.

Sondaı-aq ol keıingi 30 jylda bas qalada eńseli kóp nysandar boı kótergenin aıtty.

«Onyń ishindegi bul meshittiń orny jeke dara dep sanaımyn. Táýelsizdik tańy atqannan beri elimizdiń ár túpkirinde meshitter ashylyp, jamaǵatty rıza qylǵany bárimizge belgili. Sol meshiterde oqylǵan namazdar men duǵalardy Alla qabyl etsin. Men Memleket basshysy retinde ókilettigimdi toqtatýdan bir kún buryn, 2019 jylǵy naýryzda osy meshittiń alǵashqy kirpishin qaladym. Sol sátte meniń qasymda qazirgi Prezıdentimiz Qasym-Jomart Toqaev boldy. Allaǵa júginip, rızashylyǵymyzdy bildirip, bolashaqta halqymyzdyń táýelsizdigi men erkindigi uzaǵynan bolsyn dep tiledik. Asyl dinimizge osynsha qoldaý kórsetýdi áý bastan musylmandyq mindetim, halqymnyń aldyndaǵy perzenttik paryzym dep bildim», dedi ol.

Aıta ketsek, meshittiń bas kúmbeziniń bıiktigi 90 metrge jýyq, al munaralary 130 metr. Qulshylyq úıine 30 myń adamǵa deıin syıady.

 

 

 

Sońǵy jańalyqtar

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Koronavırýs juqtyrǵandar sany azaıdy

Koronavırýs • Búgin, 09:05

Ákimdi panalaǵan aqqý

Aımaqtar • Búgin, 07:50

Syrt aıdyndaǵy sátsizdik

Hokkeı • Búgin, 07:49

Uqsas jańalyqtar